歐盟公民-min

解決BREXIT 歐盟公民 問題:派護照?

喺英國政府因BREXIT搞到無人駕駛之際,歐盟喺 歐盟公民 未來前途問題上,出招越嚟越辣。歐盟委員會主席容克,向比利時政府請求,給予依家喺歐盟任職嘅英國公民比利時公民身份,呢招當然膠到比利時首相都唔知點應機。但呢招好可能係用嚟向英國施壓,藉解決在歐英國國民(BC, BNO, 直布羅陀BOTC)在歐前途問題嘅殺著,英國朝野睇到容克玩呢啲膠招,應該諗緊要點跳海。

迫英國向 歐盟公民 派英國公民護照?

雖然依家會保護在歐英國公民,或在英歐盟公民嘅權利,只不過都係一個問題,就係在歐英國公民變咗Non-EU,又唔係好似瑞士或EEA National咁係de facto EU,而在英歐盟公民因為唔係British,好多嘢權利就爭一截就係爭一截,咁樣遲早又出事,唔通等十年八載後,出類似Windrush嘅問題,然後大家又集體跳海咩?所以依家容克係試水溫,如果呢千一位英國人可以變比利時人,咁全歐咁多個國家,食晒啲British National就小事喇,仲要呢班British National住喺歐洲一段時間,無乜嘢融合問題。

但對於BREXITER,你要hard BREXIT,得,你hard到派晒British Citizen護照俾大量在英 歐盟公民 ,大家諗吓出現呢個情景,依家因Windrush搞出嚟嘅大頭佛,可能已經要將六種英國國籍大大簡化,唔可以再俾無ROA嘅怪物英籍,依家仲要派護照俾 歐盟公民 ,你覺得班BREXITER打算點回應?依家班BREXITER喺Irish Border問題上無解決方案,英國人已經覺得呢班仆街根本係不負責任,依家容克仲要插多刀,英國班BREXITER仲唔跳海?依家比利時唔肯俾啫,容克嘅江湖地位,游說盧森堡政府接受未必難,甚至德國、法國、荷蘭夾手夾腳都收得晒啲英國人有餘,屆時係英國損失一大堆人,但英國同時要硬食一堆 歐盟公民 ,咁你仲肯唔肯搞二次公投停咗BREXIT佢?所以容克呢招,真係歐陸膠招中嘅膠招。英國果班BREXIT茂利要同成個歐盟啲玩膠專家鬥,邊有咁容易。

發表迴響

你的電子郵件位址並不會被公開。 必要欄位標記為 *