西班牙-加泰隆尼亞-min-母語

亂郁 母語 係自搵麻煩

母語 呢個問題,其實喺政治上一郁就非死即傷嘅問題,唔掂好過掂,所以大部分現代民主國家,一係唔設所謂「 母語 」,例如美國,一係就多元語言,例如加拿大,依家中國以為香港人好蝦,硬要郁香港人 母語 係華語,其實係搵自己笨。

西班牙郁加泰隆尼亞 母語 咪出事

我香港時間朝早share我喺新加坡《聯合早報》2010年寫嘅舊文《西班牙語文問題或對中國有所啟發》,其實我喺成篇千五字文章中,最重要係講一個政治常識,或者生活常識,就係你將政治入侵大部分人嘅正常生活,根本係自找麻煩

禁止方言政策之所以會廣泛造成傷痕,因為方言深入平民百姓生活中,而大家講方言時,只會因方言的親切和方便而使用,不讓民眾使用他們感到舒服的語言,結果就是硬迫所有人捲入政治漩渦之中。因此,任何打壓方言的政策都後果嚴重,特別是一些方言本身語言系統較為完整,可以視作獨立語文處理,情況更為棘手。因此,有些多民族國家,寧可將方言或主要少數族裔語言,列作官方語言,或給予類近官方語言的禮遇。

所以我當時嘅建議,就係將中國官方語言,除咗華語、粵、閩、客、藏、維並列,呢個方法本來係撫平各地民族獨立訴求嘅方法,點解今日西班牙搞到一鑊泡,因為依家西班牙首相Rajoy,根本就係唔認為打壓加泰隆尼亞人嘅政策係錯嘅西人,西人搞政治,咪搞到乜嘢都西晒,所以Rajoy係我最憎嘅歐盟政客,亦都係呢個原因,佢同梁振英都係同一類嘅仆街冚家鏟嚟。

依家中國以為香港人好恰,特別香港有啲中產家長,竟然以送子女接受「普教中」為榮,所以張曉明呢啲仆街見獵心喜,就快快手想取締香港人嘅 母語 ,只不過,粵語係有佢自己嘅生命力,喺馬來西亞呢個打壓中文嘅國家,吉隆坡都一街粵語,更何況香港,所以依家咪搞到全民港獨,呢啲嘢就係西人搞政治,就搞出西嘢,如果蔡若蓮、張曉明呢啲仆街仲係要搞香港人嘅 母語 ,我覺得嘅結果係十分明顯,就係重演當年佛朗哥同蔣介石嘅錯誤,呢個世界果然阿寶好忙,因為無人會喺歷史當中汲取任何教訓。

發表迴響

你的電子郵件位址並不會被公開。 必要欄位標記為 *