小米-min

小米 咁都上得市?李小加賣港真係快

由於中興同華為應該被玩殘,李小加呢個唔係為股民同香港人服務嘅港交所CEO,話咁快批准盤數仲係蝕到喊嘅 小米 同股不同權上市,我唔知有幾多傳媒吹捧呢間公司,有幾多傻佬跟住入市,但 小米 咁都上得市,我只能講李小加賣港真係賣得快。

小米 咁都上得市?

我對 小米 用同股不同權方式本身已經好質疑,同股不同權根本係漠視小股東利益嘅行為,如果要同股不同權,或者有股無權,點解唔發優先股?優先股至少仲係債務,持有人有一定保障,同股不同權果啲唔知乜X嘢,所以我睇到係,同股不同權果啲公司,特別係中國公司,一股都唔好買,買咗就真係變傻仔。

跟住講 小米 ,依家中國因為 小米 暫時未涉及設備基建,以為可以過到美國同歐洲嘅法眼,你以為,小米啲手機,有奇怪後門係咁傳資料返中國,一早被人篤爆咗好耐, 小米 嘅作風好大程度上係連華為都不如,華為仲會做吓樣俾GCHQ查,喺5月25日後, 小米 入唔入到歐盟市場本身已經係一個問題,因為GDPR係好大機會過唔到。跟住美國,你估侵政府傻的嗎?係啲中國膠以為華為同中興被人斬係因為5G標準,美國一向喺手機用自己標準,唔跟歐洲同日本玩法,係LTE果輪至因為由CDMA-2000發展出嚟嘅Ultra Mobile Broadband搞唔掂至玩LTE。中國將5G,甚至網絡技術用喺有違國家安全方面的用途,至係真正問題,所以我相信 小米 一樣會被人落鑊,依家無人會提醒股民有呢方面風險㗎,李小加咁都可以批佢上市㗎,證監會又覺得無問題,真係香港股市唔變賭場就奇。

小米 IPO,我都係果句,生人勿近,因為你唔知幾時侵總統又出招,到時你真係非死即傷,如果你要投資股市,寧願投資美股,或者揸現金,都唔好喺香港玩,因為李小加主理下嘅港交所,完全不負責任,純粹為幫中國吸水乜都得,今日 小米 可以咁上市,明天又唔知乜嘢怪事會發生,上鑊勁假時段都睇到呢條仆街嘅真面目,香港股市俾呢條友搞到同A股都無分別,為你嘅荷包負責,係應該將錢投到其他國家股市,而唔係香港或中國股市。

發表迴響

你的電子郵件位址並不會被公開。 必要欄位標記為 *