譚詠麟-世界盃-min

譚詠麟 你幾時執 X 咗佢

本來香港世界盃點播都唔關我事,因為我實會喺德國睇世界盃,我忍受唔到香港果啲垃圾球評。只不過, 譚詠麟 果首扮民族風乜嘢《我們的夢》,我識人睇到會發惡夢,垃圾到加零一,簡直係黐線。如果 譚詠麟 話人唔識貨,我想大聲同呢個死老嘢講,你條仆街返去早抖喇,四大天王都變埋四大外父,你仲扮乜X識音樂。

譚詠麟 呢鋪究竟有幾垃圾

由於俄國受過金帳汗國嘅影響,所以佢係歐洲國家,但有濃重中亞細亞色彩,你班民族風,fine,但玩到變洗腦魔音,就係你條友唔識音樂。首先,俄國本身嘅音樂,其實最耍家果啲,都係歐陸古典樂,所以你用番歐陸嘅曲風,都唔會有乜問題,俄國嘅古典音樂同芭蕾舞係歐陸頂級,呢樣嘢我相信無乜人反對。跟住,你要玩輕快風,都可以有果種東西結合效果,其實玩得最成功,就係Dschinghis Khan樂隊嘅 Moskau ,我之前都講過,呢隊嘢嘅九唔搭八背景,荷蘭佬、加德國人一件,加匈牙利人,就玩出嚟。佢地係賭X還賭X,但匈牙利人喺輕舞曲嘅強項,喺 Moskau 呢首歌表露無遺,雖然喺蘇聯年代, Moskau 係唔俾喺蘇聯播,但今日嘅俄羅斯人,係好鍾意呢歌,成件事膠到頂峰係2008年,呢班九唔搭八組合,竟然係莫斯科,無錯,首歌講嘅地方,演出呢首歌,呢啲就係叫「成功玩民族風」。

譚詠麟 鬧網民唔識嘢,我覺得譚生係直頭當香港人係lulu,Moskau 香港係有人翻唱過,果個人叫林子祥,林忌都玩過,就係《硬膠潛水怕屈機》,所以,基本上乜嘢年齡層,都聽過Moskau,知道歐洲當年係點處理呢啲音樂,而Moskau雖然係七十年代作品,但可以流傳到今日,其實已經係公認嘅其中一首經典,大家係識比較,究竟處理呢啲音樂方面,得定唔得,其實 譚詠麟 本來已經唔係一個賣內涵嘅歌手,純粹係當年聲靚,兼且比較靚仔,佢搵夠好心就收山,依家又要扮球迷,跟住唱埋啲膠歌,真係仲衰過李克勤首《球迷奇遇記》,製造音樂垃圾到一個極點嘅程度。所以我真係忍唔住想講, 譚詠麟 ,你幾時執X咗佢,收檔喇。

發表迴響

你的電子郵件位址並不會被公開。 必要欄位標記為 *