高利貸-大耳窿-min

黑警放生 高利貸 :香港律政司搞邊科?

有單聆訊緊嘅案件,有九個人涉嫌欺騙財務公司款項,但法官發現間財仔都唔係好人,懷疑財仔涉嫌 高利貸 ,即係放大耳窿,要求律政司同警察解釋,點解唔告放 高利貸 果個,依家要將案件押後,以便向法院作進一步解釋。呢單案最終係點,我唔評論,但依家香港警察同律政司嘅政策,就令人十分之懷疑,依家香港執法人員,仲可唔可以有效咁除暴安良。

高利貸 唔駛告,唔係嘛

以往,雖然呃財仔都係要告,但一定告埋放數果個,因為放數涉及洗黑錢,係嚴重好多嘅有組織犯罪行為,以前香港警察同律政司仲識分輕重。但大家見到,自梁振英上台後,由於梁振英同中聯辦都依賴黑社會做啲污糟嘢,結果依家黑社會係被放生,一如台灣黑社會橫行,好大程度上都係因為國民黨依賴黑社會,甚至俾黑人物加入所致。大家睇到潮聯長期被容許double parking,都明白發生緊乜嘢事。而呢單嘢,果間財仔涉及乜嘢幫會,搞到律政司二話不說話唔駛告呢?相信呢個係公眾必須要知嘅答案,唔知有無人可以跟進吓。

都可以幾肯定,依家香港治安會一路敗壞落去,因為依家香港係一個是非黑白不分嘅社會,點解社會用咁多資源,告一單喺歐洲標準嚟講連case都唔係嘅暴動罪,但放生呢啲放數嘅黑社會,黑社會放數涉及嘅暴力罪案、洗黑錢、操控非法賣淫以及毒品活動,係唔係更危害社會,我都未計有啲黑社會依家居然身光頸靚做所謂社會賢達,呢啲是非不分,係正宗嘅禮崩樂壞,社會秩序失調。如果呢種情況持續,香港人為下一代被迫移民根本無可厚非。

香港人唔好再笑台灣有乜嘢黑金政治,無錯,台灣某程度上有黑金政治,但慢慢有改善,而香港果啲黑金政治,就係黑過墨斗,一劑黑過一劑,而且最終有一日搞到你身上,無論你啲仔女吸毒,定係你被人暴力收樓,真係梗係一單喺左近,仲要依家香港警察嘅犯法越嚟越多,休班警、當更警、退休警等爭住犯法,如果有朝一日,警隊高層做埋黑社會大佬,呢啲可能漫畫至有嘅荒謬情節竟然發生,真係唔好怪邊個,有時,就係要怪啲藍屍是非不分。

One thought on “黑警放生 高利貸 :香港律政司搞邊科?

發表迴響

你的電子郵件位址並不會被公開。 必要欄位標記為 *