何志平

何志平 張雅 大公報 中國諜報網絡

何志平 案真係越嚟越耐人尋味,最令人耐人尋味地方在於,有個叫張雅嘅前大公報記者,幫 何志平 做果啲洗黑錢工作,甚至 何志平 有啲私人事務,都係呢個女人打點。而如果以我對中共運作方式嘅判讀,呢個 張雅 以至好多文匯報同大公報記者,特別中國出生果啲,都應該被列作中國間諜處理,係比較合符處理國家安全上嘅需要。

何志平 同張雅嘅關係

好多人會以為張雅係 何志平 嘅二奶,如果係二奶,就唔會所以黑錢都由佢處理,呢個人甚至係中共故意令大家認為佢係 何志平 嘅二奶,呢個人正確嚟講,就係中共指派佢嚟操作果筆黑錢嘅掌櫃,因為涉及錢嘅嘢,中共係唔會信外人,所以如果呢單嘢涉及有中共諜報人員嘅實際操作,一定係張雅呢個女人。而張雅仲涉及雙方嘅文書整理,點解佢嚟做,因為係由佢將啲文件交俾上頭,呢個係中共一貫諜報系統單線聯繫嘅做法,所以呢單嘢,好可能上報就係張曉明、董建華呢啲仆街,所以如果我係美國,真係想捉嘅人係張雅,因為張雅平日嘅通訊紀錄,將會係了解中共喺香港諜報網絡嘅關鍵,依家捉咗件肥佬,當然中國成個行賄網絡就玩完,但 何志平 實際幕後操作同金流,仲係未完全了解。

其實中共派左報中國出身嘅記者執行黨指令,都唔係第一日,邱萍菲咪係其中一個例子,邱小姐更係中共重點培養,喺福建中學讀得叻再喺金文泰中學鍍金,跟住入文匯報,再入香港政府,呢啲唔係黨嘅安排,點可能咁玩。同樣,呢個 張雅 都係黨安排嘅人,甚至呢個女人嘅底子,係有必要再查落去,至可以一次過搵到乜嘢系統嘅人,去做相關嘅工作。呢啲就係利用中共一向嘅運作方式,去判讀呢啲地下黨嘅實際運作同流向。甚至呢件葉簡明都只不過係收錢做嘢嘅人頭嚟,真係做「實事」有決策權果個,係一件叫臧建軍嘅人,你見要有佢簽字至可以將啲錢送去非洲,你就明發生緊乜事。

都係果句, 何志平 如果係醒嘅,不如大爆張雅、臧建軍呢啲人底線好過,葉簡明父母係船工,連紅二代都唔係,無喇喇由石頭爆出嚟,應該只係黨培養嘅人頭一件,真係有料到嘅,應該係呢啲叫CC-1、Executive-1嘅人物。

One thought on “何志平 張雅 大公報 中國諜報網絡

發表迴響

你的電子郵件位址並不會被公開。 必要欄位標記為 *