Trump

Trump 準備同中國玩鋪勁

Trump 有幾堅,大家喺佢喺敘利亞炸到連普京都唔敢出聲,以及北韓金正恩主動求和都睇到,不過對 Trump 嚟,收拾咗普京同金正恩邊夠皮,今日 Trump 主動爆響口,話派咗代表團去咗中國講數,話要傾清楚貿易赤字嘅問題,似乎真正好戲仲喺後頭,並唔會咁簡單。

Trump 想要嘅中國根本俾唔到

Trump 想要嘅,其實係不外乎兩樣嘢,一係中國主動同美國買多啲嘢,買多咗嘢自然縮窄赤字,另一樣係中國一如加入世貿果陣所承諾開放市場俾美國以及其他資本嘅公司,真正公平競爭。只不過,呢兩樣,喺現有中國國情下,中共根本唔會做,一個係無能力做,一個係唔想做,所以 Trump 好大機會同中國玩鋪勁。

先講買多啲嘢,買嘢係要用外匯儲備,但中國近年啲貪污瘋狂走資,根本係空心老倌,應美國嘅要求等同提早支爆,我相信中國依家唔想主動支爆,因為啲領導未走晒。跟住話開放市場,大家要諗吓,中國有幾多技術唔掂,得個抄字嘅仆街公司,喺中國嘅貿易保護主義下至做得住,大家諗吓騰訊、阿里巴巴呢啲仆街公司,一旦中國開放市場,邊可能做得住,執笠就有佢份,WeChat、支付寶呢啲program有幾多bugs,其實都唔難明,我唔明點解香港人仲有一堆人走去用WeChat咁傻仔。我都未計,一旦要中國開放市場,同時要喺言論自由等問題上面要作出開放等等嘅問題,如果中國依家咁嘅政策,Google以及歐盟嘅公司,根本唔可能喺中國搞網上服務。

所以 Trump 好明顯打算同中國玩鋪勁,我睇唔到中國會同 Trump 達成任何協議。大家要留意,點解澳洲可以得到 Trump 優待,因為澳洲政府決定同中國政府全面反面,所以得到 Trump 厚待,加拿大、歐盟都未下定決心同全中國全面反面,所以 Trump 咪拖吓先,等你班友要作出勇敢嘅決定,呢個正正係 Trump 嘅本色。所以 Trump 嘅敵人係十分之清楚,中國仲以為喺外交上搶多一個台灣建交國好醒,我唔知用幾多錢買返嚟,但呢啲所謂建交國,最終係一啲意義都無。

發表迴響

你的電子郵件位址並不會被公開。 必要欄位標記為 *