狗仔隊-min

用 狗仔隊 騷擾議員係犯法

我之前略提過用 狗仔隊 騷擾議員係犯法,但我無詳細解釋,適逢有唔少謎米嘅讀者入嚟,咁我就詳細解釋《立法會(權力及特權)條例》下,如果許智峯搶手法都叫犯法,咁果啲SEO都係犯法,而且如果揸正嚟做,係根本無人保到佢地。

狗仔隊 干犯咗乜法律?

根據《立法會(權力及特權)條例》第19條a款

襲擊、妨礙或騷擾任何前往或離開會議廳範圍,或在會議廳範圍內的任何議員,或藉武力或恐嚇嘗試強迫任何議員宣布贊成或反對立法會或任何委員會的待決動議或事項;即屬犯罪,可處罰款$10,000及監禁12個月。

如果襲擊、妨礙或騷擾喺會議廳或喺會議廳範圍內嘅任何議員,本身已經係犯法,啲死人SEO學乜人惡人先告狀,仲要告係嚟自保安局禁毒處。如果有人仲要同我拗,乜嘢叫會議聽範圍,其實同一條法例第2條釋義部分,已經講得好清楚

會議廳範圍 (precincts of the Chamber)指會議廳及立法會辦事處及毗鄰的旁聽席以及供公眾人士與報界、電視台及電台的代表使用或用以容納他們的地方,而除主席根據第(2)款作出例外規定者外,在立法會或任何委員會舉行會議當日全部時間,此詞亦包括會議廳所座落的整座建築物,以及為立法會而使用或提供的任何與該建築物毗鄰或屬於它的前院、庭院、花園、圍場或空地;

無錯,所以只要班 狗仔隊 入到立法會範圍內,已經受呢條條例管轄,而呢啲政府派出嘅人員係無豁免權,雖然《立法會(權力及特權)條例》嘅檢控需得到律政司司長批准,但如果我係玩膠,我會聘請律師,要求以私人刑事傳票檢控相關 狗仔隊 隊員,請求律政司司長批准,我真係想知律政司司長用乜理由,可以拒絕批准。至少許智峯已經感覺到佢喺會議廳範圍受到騷擾,而呢啲騷擾係嘗試強迫任何議員宣布贊成或反對立法會或任何委員會的待決動議或事項。只不過香港啲議員唔夠熟書,根本唔係仔細搵每一條法例或規例可以賦予佢地嘅權力,如果乜嘢都玩膠玩到最盡,我真係想知呢個政府仲可以惡得出樣幾耐,玩到hang機都仲得。

One thought on “用 狗仔隊 騷擾議員係犯法

  1. 呢樣好難講,因為佢只係企埋一邊mark人出入,唔算阻礙、又未必算騷擾。
    門口個保安夠睇住住戶出入,唔通又話佢騷擾我咩﹖

發表迴響

你的電子郵件位址並不會被公開。 必要欄位標記為 *