政助-min

做咗 政助 就會智障

香港政界低能新聞,沒有最膠,只有更膠,公民黨譚文豪大爆,民政事務局 政助 黎穎瑜,竟然夠膽問公民黨攞黨慶run down方便數票,結果梗係被人鬧爆。我只能,做咗 政助 ,接近啲賤人仆街多,就會智障,你入政府前幾有sense都無用。

政助 如何變成智障

黎穎瑜我同佢以往都見過一兩面,吹過水咁,佢入政府前,仲喺智經研究中心果陣,雖然智經研究中心有時都推唔少智障建議,應該改名做智障研究中心,但係,佢有時都會鬧政府啲官做嘢白痴,只不過,呢次問公民黨攞黨慶run down方便數票,呢個簡直白痴之霸,依家許智峯事件搞到件事咁僵,好心自己諗計問人攞run down,你試吓喺西敏寺制國家玩呢啲,你準備上Have I got the news for you, Canalbis或Extra-3呢類節目,被人抽到變人乾喇。所以,我話呢單嘢,簡直係香港政界破天荒嘅智障事件,你諗吓,如果有民主派嘅人問土共攞run down,攞嚟製造流會之用,你會點睇?

其實呢位 政助 唔係第一日做弱智嘢,之前佢搞Whatsapp Group侷啲土共投票,呢吓都經典,你又唔係Party Whip,同埋,如果要行Party Whip,都唔會用Whatsapp Group出3-line Whip嘛,連出個Whip都唔識嘅人去做政助,依家又搞出膠出嚟,膠到全香港都知,又有乜好奇?

點解一個本來智商正常嘅 政助 最後會變咗智障,因為依家香港呢個政權係一個智障政權,你對一個智障政權有乜要求至得,當你喺一個智障政權做得耐,思維方式都會慢慢脫離正常人類嘅思維,做人就會因此開始膠起嚟,最後成為一件膠人。所以我唔信乜嘢入政府可以改革政府,我識嘅做 政助 嘅人最後無變智障嘅其實好少,大部分都係留喺政府越耐越膠,而其中一樣嘢好重要,通常做 政助 唔膠,佢上司最後係正常甚至同政府對抗,好似大家知道智商比較正常嘅陳智遠(佢當時上司係周一嶽)同羅永聰(佢當時上司正係曾俊華),佢地嘅上司最後都頂個政府唔順。但黎小姐嘅上司果個叫劉江華,近得垃圾桶多,你個腦會變成乜,諗都諗到。

都係果句,你入得政府,跟得仆街老闆,你就預咗大腦遺失,最後去堆填區都搵唔番,做 政助 尤其有呢個風險。要學政治嘢,有外國國籍,不如入當地政黨好過喇。香港做 政助 危害智商呀。

發表迴響

你的電子郵件位址並不會被公開。 必要欄位標記為 *