Amber Rudd-min

Amber Rudd 辭咗職 但邊個想管 Home Office?

Amber Rudd 身為內政大臣,但對 Home Office 為咗跑數去remove啲人扮無知,結果衛報爆內幕後就要辭職。只不過,喺保守黨並無一人係男人嘅年代, Amber Rudd 辭咗職,根本無人夠薑做 Home Office ,所以由巴基斯坦血統嘅 Sajid Javid 去做內政大臣,英國政局膠到呢個位,身為保守黨員我都只能問,依家英國政客真係無吉士到呢個程度?

Amber Rudd 辭職都係留低個爛攤子

Home Office 係英國內閣有名嘅三煞位,一方面呢個部門掌管反恐、入境呢啲全部一爆鑊就死得人多嘅部門,但另一個更大問題係 Home Office 積弊多到難以處理,過於複雜嘅IA 1971同BNA 1981,再加上 Home Office 內部果種做嘢唔負責任嘅官僚文化,呢個天字第一部門,請問你點樣改革。依家 Home Office 嘅問題唔係種族歧視問題,因為華裔同巴基斯坦裔啲官僚嘅嘴臉,都係有名差到爆,話知你乜人種,係BC定BNO,都一樣可以中招,大家可以諗吓呢個部門積落嘅膠力,去到一個乜程度。我有少少覺得,成班保守黨人,其實推Sajid Javid去送死,因為 Windrush Generation 危機,一定仲有未完之大鑊。

我會俾 Sajid Javid 乜建議,就係儘快改革 IA 1971,同埋 BNA 1981,如果依家大規模平權,簡化BNA 1981,有一個莫大好處係,民意依家喺BREXIT壓力下,願意支持平權,唔會有乜Immigration 上爭議,你放British入嚟UK,有乜好爭議,呢啲人都係UK Passport holder,然後IA 1971需要大改革,無論BREXIT唔BREXIT都要改革。特別可能要考慮重新引進身份證制度,因為無身份證呢家嘢係搞出好多膠,包括喺歐洲都係,全歐洲都知,乜事都要攞個passport同戶籍證明周街貢嘅EU人一定係英國人,因為英國至無身份證呢家嘢。但 Sajid Javid 有無牙力推進呢項改革,我好有懷疑,仲要一定先做平權,否則仲膠,我可以講。

One thought on “Amber Rudd 辭咗職 但邊個想管 Home Office?

發表迴響

你的電子郵件位址並不會被公開。 必要欄位標記為 *