民主黨-陳莊勤-min

民主黨 幾時趕陳莊勤出黨

許智峯事件,我立場好清楚,我係認為許智峯無問題,呢件事除咗反映有啲 民主黨 老屎忽幾得人驚外,仲順便問一個問題,就係 民主黨 裡面嘅投共黨員,究竟 民主黨 會唔會嚴正處理,如果 民主黨 唔處理,泛民支持者唔信任 民主黨 ,根本係班友自己攞嚟。而今天喺明報出膠文對付許智峯嘅陳莊勤,係馮煒光以外,另一位 民主黨 必須趕佢出黨嘅議員。如果民主黨認為呢件仆街無問題,我十分之有興趣知道民主黨高層嘅是非曲直標準,究竟去咗邊度,甚至係唔係故意俾共產黨相關嘅人入黨。

民主黨 點解唔處理陳莊勤?

陳莊勤聲稱係民主黨創黨黨員,只不過,佢寫好多文章,同馮煒光未正式投共一樣咁仆街,成日叫民主黨向中共叩頭,而佢同馮煒光最唔同係,馮煒光因為太恨做官,自己辭職後做咗梁振英打手,甚至依家都仲做緊,而陳莊勤因為佢好歹係執業律師,未至於依家要做官,所以就繼續用佢民主黨員嘅身份招徭過市,寫埋啲投共文章。今日佢喺明報嘅文,我根本已經不屑一顧,我只想民主黨高層答我,陳莊勤大罪啲定許智峯大罪啲,如果陳莊勤講嘢投共都唔駛趕佢出黨,不如民主黨執咗佢算吧。我對公民黨以至民主黨內嘅妖魔鬼怪,一向係一視同仁,我可以俾許智峯機會,但投共如陳莊勤,呢啲友係要追殺到佢退黨為止。

而點解陳莊勤依家抽許智峯一刀,除咗因為佢執行中共指令,仲有一個原因係,許智峯係其中一個認識陳莊勤投共真面目嘅人,曾經喺香港獨立媒體寫文,插陳莊勤一刀,咁陳莊勤依家抽水就唔奇怪,只不過,我亦都好記性,陳莊勤呢個人係乜貨色,所以,我都不妨依家喺呢度,公開敬告陳莊勤,你呢啲仆街扮乜撚民主派,乾脆投共算吧。馮煒光擺明做真小人,但某個程度上,都好過陳莊勤呢啲潛伏喺民主運動陣營內嘅偽君子,而且香港人普遍都唔係傻,唔會睇唔到呢啲喺梁振英任內獲政府唔少委任位置仆街嘅真面目囉。

我依家唔喺香港住,可以更無顧忌鏟爆呢啲妖魔鬼怪小人,呢次許智峯事件,反映香港民主運動有幾多人係心術不正,呢次真係一次照妖鏡,有幾多人係受唔住誘惑。

One thought on “民主黨 幾時趕陳莊勤出黨

  1. 所以在HK支持社運為什麼?左,中,右全是共慘擋D人,最大問題他們指你出來去死,他們就坐享江山和維穩費.

發表迴響

你的電子郵件位址並不會被公開。 必要欄位標記為 *