容海恩

容海恩 講喺議會唔好講政治,你無病嘛

本來唔想評 容海恩 呢個人,作為紅二代被人捧上位,你都好難認為佢有乜政治智慧,只不過, 容海恩 居然講喺議會裡面,都唔好咁政治,呢啲我叫新民黨式白痴邏輯,真係唔丙唔得, 容海恩 咁討厭政治,一早學王菀之討厭政治咁做歌手算喇。

容海恩 依家做緊乜?

首先, 容海恩 唔講政治,唔好選議員喇,立法會議員做乜喇,選舉唔X係政治,議會做決定唔X係政治,如果你做公務員都可以唔掂政治,但佢果啲係政客嚟,你同我講唔好講政治,咁係唔係佢專責喺議會學黃定光咁瞓覺。

如果 容海恩 唔入政黨,都勉強唔係講政治,但依家 容海恩 係加入政黨,佢係新民黨黨員,唔好講政黨唔係搞政治,呢啲叫狡辯,當然,我知香港好多蠢才受呢啲怪邏輯,幫共產黨就唔係搞政治,幫泛民就係搞政治,而唔知最鍾意搞政治果個,其實正正係中國共產黨。但由於係咁,所以就要直斥其非, 容海恩 除非退出新民黨,唔再做立法會議員,否則佢就係一個以搞政治作為專業嘅人,佢話自己唔搞政治,其實係欺騙公眾嘅講法。

其實我唔明點解香港人要咁怕「政治」,但以我對香港上一代啲小農DNA嘅解釋,佢地認為當年喺中國參與「政治」招惹殺身之禍,所以最好唔理「政治」就安全,呢啲係白痴諗法,中國搞到今日咁嘅款,正正因為華人為明哲保身,不理政事,任由獨裁者胡作非為做幫凶,喺歐洲國家,個個唔只參與政治,仲要勇武咁參與政治,尤其係法國,你諗到乜嘢勇武招數都會有,唔係無黑暗嘅事,但唔會好似香港或中國依家咁黑過墨斗,成班中國人聽埋啲奇談怪論,以為做鴕鳥可以解決問題,所以呢啲仆街有啲乜嘢事,我一啲都唔會同情,因為你唔理政治,你被政治搞到半死不活,呢個其實係報應,呢啲係自己做出嚟嘅事所種嘅果。

當然,點解我要丙 容海恩 ,因為要順便我鏟埋果啲支持 容海恩 嘅焦土派仆街,大家知道喺補選期間,有班仆街嘅焦土派,主動同 容海恩 合照甚至幫鄧家彪助選,依家 容海恩 咁狡辯,咁呢班焦土派想講啲乜,唔知焦土派係唔係又附和,我真係好想知焦土派點睇政治化呢樣嘢。

發表迴響

你的電子郵件位址並不會被公開。 必要欄位標記為 *