麻疹-min

麻疹 危機:由疫苗分配到追殺素人父母

日本出現 麻疹 疫情,蔓延到東京、大阪到大城市,好多人喺恐慌下要去私家醫院打針,蔡堅要政府將疫苗存貨分俾私院。呢啲公共衛生問題,都係值得討論,包括交出疫情存貨係唔係符合公眾利益,同埋有啲妖言惑眾嘅友仔係唔可以放過。

麻疹 疫苗存貨不應交出 素人父母必須追殺

首先,大部分喺香港讀書嘅學童,都有喺學童疫苗注射計劃下,有注射 麻疹 疫苗,而政府手上疫苗係服務呢啲細路仔,我十分之懷疑,大部分湧到私院打針果啲,其實係中國嚟啲人,除非私家醫院保證,只向因為唔同原因,喺細個打過疫苗而失效嘅人,或細個唔喺香港住,但依家享有香港永久居民身份嘅人打疫苗,否則政府唔應該交出疫苗,點解政府要提供疫苗俾你私院班友賺錢服務中國去日本旅遊啲人,佢地要打疫苗,唔該返中國打,次次有乜重大疫情,成班中國人就去香港打針搶香港人資源,呢啲medical tourism其實禁止就差唔多,依家搞到公立醫院爆晒棚,都係呢班中國人搶奪香港人嘅醫療資源所致,我唔認為有乜可以容忍嘅空間。

跟住呢次 麻疹 危機,其實有個人我們係唔可以放過,就係果班反疫苗嘅仆街,如果唔係呢幾年有啲反疫苗嘅理論妖言惑眾,講到MMR疫苗會導致自閉症都夠膽死,點會 麻疹 死灰復燃,呢啲反疫苗嘅友仔,特別有個自稱素人父母嘅湯禎兆,我認為基於公眾衛生嘅考慮,呢啲友仔唔應該再俾佢地喺傳媒妖言惑眾,而中聯辦控制嘅《文匯報》,依家繼續俾湯禎兆寫嘢,我想問《文匯報》班高層諗乜嘢,我真係唔知佢地個腦,係唔係想香港啲父母做啲慢性自殺行為,方便中國人移入囉。如果湯禎兆再講反疫苗言論,公眾係必須圍剿,係唔駛同佢地客氣。

對於藥廠嚟講,其實疫苗唔算賺錢業務,否則唔會得Sanofi Pastur、MSD呢啲廠造,反疫苗言論,根本係一班反科學,乜都以階級鬥爭為綱嘅左膠,無視現實嘅怪論,如果唔係反疫苗浪潮再興,小兒麻痹症應該再早啲喺人類社會消失, 麻疹 亦唔應該喺現代發達國家再起疫潮,所以對住反科學嘅友仔,大家唔應該對佢地太客氣。

2 thoughts on “麻疹 危機:由疫苗分配到追殺素人父母

  1. 反疫苗大概係左膠講先,但也別忘記美國班右膠一樣有人反疫苗(包括侵帝陣營既人),人膠到極點就左右都一樣。

  2. 仲有自認「右翼科學」既陳雲一樣係反科學醫療的(否則點會聲稱沙士唔使醫,準備棺材就得),後來同跟佢反左面既曾焯文一樣反疫苗。

發表迴響

你的電子郵件位址並不會被公開。 必要欄位標記為 *