許智峯-min

星期日休息: 許智峯 與利欲昏心嘅民主派老屎忽

許智峯 一時EQ失控被EO手機,竟然民主黨光速割蓆事件,民主黨內部老屎忽嘅利欲昏心真面目固然表露無遺,但民主派內部殺子文化泛濫嘅真相,亦一下子暴露出嚟。最核突果個,莫過於過氣公民黨立法會議員陳家洛教授,我一直都係認為陳家洛係心術不正,利欲昏心嘅代表,但無一個好明顯嘅證據,只不過,陳家洛果種嗜血嘅嘴臉。佢既做今個禮拜星期日休息嘅示範實例(本來星期日休息係寫啲深層次啲嘅嘢),順便我講明,陳家洛你想出嚟選,我保證用任何合法方式,搞到你連初選都過唔到,你呢啲友仔,十分之有潛質做馮煒光第二,亦太危害香港民主運動嘅新陳代謝。

推 許智峯 去死為攞席位

大家首先欣賞,陳家洛條友講過啲乜先

「有三大錯」這個分析實在對許智峯議員也太客氣了!無足輕重的小惡霸做一件很蠢的事,之後一整天自high不知錯。訊號系統出錯加電力系統短路加突然出軌⋯⋯這是一套災難片,你得到關注了,可惜只是因為一堆不可能再荒唐的理由!

我都唔想畫公仔畫出腸,即係你陳家洛好想快啲 許智峯 去死,跟住佢辭職或被DQ後,民主黨都唔適合去派出補選,香港眾志又已經出咗戰保住議席,咁好順理成章佢代表公民黨出嚟,佢做番港島區立法會議員,呢啲核突嘢,真係盲都識睇。所以陳家洛係我最鄙視嘅公民黨黨員之一,亦係咁解,呢啲係魯迅典型寫果啲食人肉饅頭果啲死仆街,只不過,身為政治學教授,食相核突到呢個地步,就真係令人大開眼界咗少少,證明對權力嘅迷戀同渴望,可以令一個民主運動參與者完全變成一個食人猛獸。

民主派內部殺子文化泛濫,一方面,呢個係中國文化嘅OS問題,日本有楢山節考呢樣嘢,老人家為咗唔成為下一代負累,寧願將自己扮得蒼老啲,呢樣嘢唔會喺中國人社會發生,你睇啲老屎忽死都唔退,到有人提出令香港年青人經濟基礎崩潰嘅全民退保呢啲荒謬嘢,到有啲名嘴係咁搵轉世靈童,去到採陽補陰嘅層次,都可以睇到呢個其實一定程度係OS問題嚟。中國人係為咗自己生存,唔顧下一代嘅前途,所以小學往往係豆腐渣,俾下一代飲嘅奶粉,可以有三聚氰胺,呢個係一種文化集體罪責,但從來無人認真審視當中嘅變態問題,同日本比,就完全無得比。所以日本可以有年青人領導下打出嚟嘅明治維新,日本學校往往最安全,最好設備係日本,中國?唔好講中國,你睇香港政客對年青人果種表現,都夠你作嘔有突,我作為一個已經四張嘢嘅中年人,都完全無法睇得過眼。

另一方面,有幾多民主運動嘅中堅支持者,可以攞到權力後唔迷戀權力?

其實做立法會議員,本身唔係好有權力,畢竟香港玩係一種假民主,但香港呢種假民主有樣嘢好仆街,就係師承英國殖民地年代對「統治代理人」果種排場,結果好多人對做議員果種威風,或者接近權力嘅亢奮上咗癮,特別香港唔似歐洲一樣嘢係,歐洲做領袖,包括英國做首相,係不斷被恥笑,法國總統係到走果刻,都被人毫不留情咁恥笑,英國就做高層政客被抽水抽到變人乾係好正常,未計遇上勁嘅反對派,喺議會被人Grill果副模樣,所以做西方政客,未必會迷戀喺最高權力果刻嘅排場,但香港會囉,好多泛民係自己中咗毒都唔知,成日念念不忘做議員,咪搞出追逐權力嘅心理變態,果種中毒樣,某程度仲衰過吸咗白粉無得吸之後果個衰樣,所以泛民有政客投共,都係因為中咗呢種權力毒癮。

當然,我對陳家洛嘅立場十分之簡單,佢唔收番佢對 許智峯 落井下石嘅言論,呢條仆街以後都唔駛旨意選,甚至我對今時今日嘅公民黨極有保留,因為有唔少公民黨人嘅是非不分程度,有啲嘢仲衰過民主黨,你睇公民黨黨慶竟然搵葉劉淑儀呢件仆街做嘉賓就知,俾著我,我唔當街追佢數算佢好彩。

而 許智峯 事件,有啲泛民嘅表現,係令人敬佩,但有啲人嘅表現,令人發現如果香港民主運動嘅權力,交俾呢班仆街,一樣係十分之危險,心術不正加上中華文化本來嘅問題,本身係可以好恐怖。香港應該係文化上「去中國化」,其呢種殺子文化係第一個應予討伐嘅對象,所以民主黨啲老屎忽,到陳家洛嘅行為,比 許智峯 恐怖百倍,部分泛民老支持者果種是非不分,都係十分之令人心寒。

發表迴響

你的電子郵件位址並不會被公開。 必要欄位標記為 *