ZTE-中興-min

中興 到民主黨:割蓆兼攬炒文化

民主黨同許智峯割蓆文化好核突,只不過,中國人果種割蓆文化,沒有最核突,只有更核突, 中興 被美國佬搵晒啲蠢事後,呢間嘢雖然係國企,但為咗自保,點只同華為割蓆,係直頭打算做污點證人隊冧華為,呢次 中興 一著,雖然對人類文明有好處,但同民主黨呢件事比,可以睇到中國人果種惡劣嘅割蓆兼攬炒文化,果種小農DNA嘅得人驚,真係好可怕。

中興 民主黨 小農DNA

好多人唔知小農DNA呢句嘢點嚟,其實小農DNA,好大程度上係中國古代農業嘅反映,中國古代啲農民,只有一小塊田地,而成個社會缺乏公共服務提供,小農乜得靠自己或靠個天,造成咗只係睇自己利益,唔睇大局嘅自私個性,所以至有小農DNA呢家嘢。當大家知道古代農民目光如豆嘅原因,就明 中興 同民主黨呢啲割蓆兼攬炒嘅行為係點嚟。

先講 中興 , 中興 嘅領導階層唔係諗國家,佢地只係諗唔好搞到自己喺美國財產不保,以及要隊冧華為嘅所屬派系,保證自己喺中國仲有位置,唔會一下子被華為侵食地盤,所以至有呢種攬炒行為,正常嚟講, 中興 呢班友咁做,一早被人拉咗去秦城槍斃,但依家梗係唔會,對習近平嚟講,依家最大敵人隨時唔係金正恩,而係思維上同 中興 類似嘅敵對派系,焦土派成日講射落海都唔益你嘅思維,依家 中興 咪做晒。

跟住民主黨,其實民主黨啲老屎忽係唔係咁重視民主運動,唔X係囉,其實當中有唔少人已經腐化到只係視民主運動係一份工,你依家許智峯阻止佢地發達,甚至搞掂許智峯可以問老闆攞錢,所以咪咁仆街。大家留意吓,呢件事連熱血公民鄭松泰都會講句人話幫許智峯,黃毓民同佢啲走狗,特別一個亂咁幫人countersign英國護照申請嘅仆街,竟然企喺民主黨果邊,大家諗吓呢次割蓆兼攬炒事件,啲人嘅思維方式係點睇,簡單嚟講,就係一班只係睇住自己屋企塊田嘅仆街,走去掌握大權,成個社會唔死係好難。

有呢種割蓆兼攬炒嘅文化,香港會唔會比中國長命,就睇有無否定呢種小農DNA嘅覺悟,但呢點,我有啲悲觀,因為呢種係一種毒素,一時三刻係解決唔到。

發表迴響

你的電子郵件位址並不會被公開。 必要欄位標記為 *