兩韓𡶶會-min-金正恩

金正恩 示範以戰迫和

金正恩 越過軍事分界線進入大韓民國境內,就核問題在商談,果然有成果,南北韓同意今年締結和約,以及達致朝鮮半島無核化,相信一年至兩年後, 金正恩 可以達成佢返瑞士享受人生嘅心願。佢成為最成功放棄政治權力嘅獨裁者中嘅高手。

金正恩 真正要乜利益

金正恩 喺北韓係威係勢都好,佢嘅生活水準隨時唔及佢喺瑞士讀書果陣,呢個都好肯定,所以,對 金正恩 嚟講,如果令佢安全交出權力,而可以享受榮華富貴,呢個問題好重要,東歐大部分國家可以和平KO共產黨,除咗蘇聯自己搞唔掂外,另一樣嘢係,就係呢個問題基本上解決到,係得羅馬尼亞壽西斯古特別仆街,所以壽西斯古嘅下場就係同佢老婆一齊被槍斃,亦係呢個原因。而依家大韓民國好樂意俾呢個保證,我相信侵總統都會俾,依家表面上係行兩德模式,但大家留意,北韓無喺漢城設立辦事處,唔同當年東德喺波恩,同西德喺柏林設永久辦事處。而係開城設所謂聯合辦事處,開城係北韓佔領嘅大韓民國土地,亦係京畿道嘅範圍,呢點大家要特別注意,所以依家其實係當年兩德模式仲要快。

而 金正恩 係用以戰迫和方式,得到佢想要嘅嘢,因為佢真正籌碼真係爛命一條,其實對大部分古惑仔,佢地未必想做江湖大佬,佢地係要一筆夠佢地過世嘅錢可以風流快活,中國呢個二流大佬一蚊都唔俾,交低把刀俾美國就可以好食好住,你係 金正恩 老虎都攞把刀周圍舞,美國佬注意到認契弟賣屎忽,難得侵總統都有一定嘅江湖味,紐約啲黑手黨你估佢無見過?中國唔明呢啲江湖規矩,依家咪膠爆囉。

雖然中國用外交辭令祝福呢次會談,但中國其實係最大輸家,因為北韓就算請中國簽署和約,但由於中國其實唔係正式參戰,而中國喺北韓亦無當年蘇聯喺東德,以及奧地利東部咁有正式佔領同託管權利,所以中國可以表面上有位置,亦可以無晒位置,依家除非中國派兵入平壤搞軍事政變,否則中國只可以準備將防線推到鴨綠江前。但依家中國有能力搞軍事政變,隊冧金正恩?咪玩喇,金正恩依家已經係美國同大韓民國,甚至日本保護嘅人,你中國郁親金正恩等於引發世界大戰。

One thought on “金正恩 示範以戰迫和

發表迴響

你的電子郵件位址並不會被公開。 必要欄位標記為 *