兩韓𡶶會-min-金正恩

兩韓峰會 : 金正恩越過停火線

兩韓峰會 喺近十年政壇最夠薑嘅賭能金正恩越過停火線,進入大韓民國境內後展開,最後可唔可以達成成果,當然有待觀察,但睇金正恩嘅神情,以及各種政治動作,佢好有誠意賣佢個屎忽俾侵總統。 兩韓峰會 呢次有啲嘢,係值得注意。

兩韓峰會 各種政治符號同動作

先講金正恩嘅政治動作,佢真係越過停火線進入南韓境內,檢閱大韓民國國軍儀仗隊,請文在寅象徵式越過停火線進入北韓一步,呢啲都充分反映,金正恩好想呢趟傾得成,所以以往啲人唔做嘅佢都做。金正日,仲有好大嘅架子,扮到高高在上咁見南韓嘅民選總統(啱啱好幾次都係左膠做總統,至會見北韓領導人),但金正恩就唔係果回事。

而有一點好多人忽略,就係大韓民國儀仗隊分兩部分,一部分係著西式軍服,一部分係著傳統韓式軍服,呢啲舊禮可以上溯到大明帝國年代,應該部分係大明帝國禮儀殘存,跟住傳到朝鮮王國,大韓帝國,呢部分充分反映大韓民國係正統,不論文化同得名都係,金正恩絕對知道文在寅玩乜都唔介意,其實呢個係反映佢棄國嘅心好重,我相信短期內北韓,特別侵金會後嘅北韓,如果呢次 兩韓峰會 無大意外,只會變成兩德統一前嘅東德,等大韓民國接收。當然,大韓民國實力遠唔及當年嘅西德,所以呢個過渡期會好漫長,但只要保證金正恩嘅榮華富貴,可以利用南韓政黨喺北韓繁殖一個替身然後執政方法處理。一如東德共產黨已經無力控制政府後,由越嚟越傾向西德CDU嘅Allianz für Deutschland執政,Allianz für Deutschland喺統一後,就直接俾西德CDU吸收,默克爾就係Allianz für Deutschland出身嘅人。

如果中國唔胡亂干預,韓戰喺可見將來會正式結束,至於南北韓點樣歸一,呢啲嘢佢地都係睇當年東西德統一嘅教訓,但可以肯定係,美國軍隊唔會撤出朝鮮半島,中國東北邊境會直接同美國軍事力量接壤,我睇唔到中國仲有乜能力可以喺南海、台灣同香港張牙舞爪,呢次不單歷史性一幕,如果傾得成,我相信係東亞戰略大逆轉嘅開始。

One thought on “兩韓峰會 : 金正恩越過停火線

  1. 不過如果南北韓統一,其實美軍冇乜藉口留喺半島,畢竟理論上中國或俄國同韓國並非為敵。但駐日就有必要,因為俄國同日本仲有對峙。

發表迴響

你的電子郵件位址並不會被公開。 必要欄位標記為 *