陳勇-主權移交-min

陳勇有乜資格學人講 主權移交

主權移交 呢個問題,本來講到口臭,只不過我睇港台視點31,陳勇呢個印尼華人敗類,走去對戰陶傑,開口埋口依法,我只係想講,死仆街,你搞掂中國一貫嘅政策,同法律,以及香港主權割讓相關嘅法律,至好出嚟講乜嘢。

主權移交 嘅法理陳勇識條鐵

大家都記得,我上過東記電視,同陳勇就BNO問題辯論,我喺果陣至知佢係印尼華人後代,本來印尼華人後代走去投共已經係黐線,投共嘅歷史錯誤全無反省,呢啲除咗係印尼華人敗類,我無第二個形容。陳勇果陣,對《中國國籍法》嘅歷史,特別中國國籍法不准許雙重國籍嘅基本精神一無所知,依家喺香港迫BNO同BC食中國國籍,完全違反《中國國籍法》以及周恩來一直以嚟堅持嘅國籍法精神,咁都唔知學人講依法講 主權移交 ?呢條友根本係連自己中共嘅法律都無學好,中聯辦要佢講乜就好似太監咁講乜,仲要呢次同佢對戰嘅陶傑,嚴格嚟講係紅二代嚟,陳勇講果啲三幅被,你估水務署長唔知?所以陳勇呢啲土共,根本係衝上嚟電視獻醜,不知所謂。

其實 主權移交 呢個法律問題,如果真係依法去講,陳勇仲大鑊,我之後喺blog寫過,我寫咗個一個整理過嘅版本,本來係俾報紙,但依家我轉喺Medium俾大家睇,

與香港主權相關幾個基本事實

因為原裝係俾報紙,所以係用中國語文寫,而唔係呢度用香港語文,呢方面請諒。陳勇喺陶傑面前,搬埋啲同呢件事無關嘅聯合國決議亂講廿四,但實際上問題,係中華人民共和國係唔係大清帝國嘅繼承者,如果法律上無證明可以推論中華人民共和國係大清帝國嘅繼承者,咁香港成個 主權移交 ,我認為基本上係非法,界限街以北主權問題,應該同中華民國商討。陳勇呢條友不學無術,其實喺呢一次就表露無遺,我真係睇唔到,陳勇有乜資格學人講 主權移交 。

仲有,土共開口埋口《基本法》,但中國政府自己係最唔尊重《基本法》,《基本法》唔係攞嚟龍門嘅藉口,呢啲濫用《基本法》嘅行為,其實仲衰過燒《基本法》,乜嘢叫做踐踏《基本法》,陳勇呢啲撚樣,就日日做緊呢啲踐踏《基本法》行為。

發表迴響

你的電子郵件位址並不會被公開。 必要欄位標記為 *