Home Office-min

Home Office 膠到無朋友:BNA 改革遲早問題

Windrush Generation 事件,依家似乎未有跡象收科,唔單只 Windrush Generation 中招,係連一個長期居留英國,嫁埋英國人嘅加拿大白種女人,都要被deport,依家更膠係,前英國駐外最高專員(大使或領事)喺在任期間出世嘅子女都攞唔到British Citizen,黐線到無朋友。 Home Office 膠到一個,英國人無法忍受嘅頂點。

Home Office 點解可以咁膠

2011年至2014年喺加勒比海國家多巴哥擔任最高專員嘅Arthur Snell,喺在任期間,於當地生咗個仔,根據法律,外交人員喺在任期間所生子女,都唔會攞到當地國籍。咁好簡單,Arthur Snell嘅子女一定係British Citizen,但Home Office班友膠到,話佢嘅子女無權攞British, not British enough,結果佢個仔事實上無國籍咗兩個月,後嚟要再申請至得到糾正。由呢件事,可以睇到Home Office膠到成乜樣。

但點解Home Office可以咁膠,Arthur Snell講咗一個原因,我個人係深感認同:

He called for a simplification of UK nationality rules for those eligible who were born overseas, and for those resident in the UK to get their citizenship.

由 Windrush Generation,到BIOT,到加拿大白種女人被deport,到依家呢單, Home Office 唔係因為種族歧視問題而搞到啲國籍咁混亂,依家Home Office都有唔同種族嘅人任職,真正問題,係 British Nationality Act 複雜到黐線,我成日講笑咁講, BNA 1981 都讀得通,呢個世界無乜法律文件難到果條友,BNO到依家,我至搞清楚呢舊英國政府官僚精心設計嘅膠,喺居歐權問題簡直有幾十種唔同結果,你話其他人唔會被玩謝?(大家可以想像吓,我呢個夾喺五個黐線國籍法國家夾縫嘅人,穿梭英、荷、印、中、台五國國籍法,係幾黐線嘅一件事)。而Home Office明顯虛耗大量資源去執行 IA 1971同BNA 1981,邊度有資源打擊真正嘅非法移民,咪玩喇。

所以 BNA 1981 搞出六種英國國籍出嚟,搞到英國國籍嘅繼承規則極度複雜,根本係應該結束,統一剩番British Citizen, British Overseas Territories Citizen, British National (Overseas) 同 British Protected Person 四種,其實係最簡化英國Home Office嘅資源。仲要 British National (Overseas) 存在意義只係應付《中英聯合聲明》裡面保證個別人士返回香港權利之用,事實上同BOTC一樣係同時係British Citizen。而British Protected Person係以備不時之需,應當死國籍處理。咁樣,就唔會搞到一鑊泡收場。

執行得到嘅國籍分類,咁梗係有啲好處,但執行唔到嘅話,就只係搞到身份認同混亂嘅黐線行為。其實呢單放出嚟,英國公眾應該明白依家嘅國籍法去到難以執行嘅地步,一次過找數,反而係重新上路好機會。集中精力處理果啲有問題嘅Non-EU移民入境申請,至係真正嘅王道,特別中國、俄國呢啲仆街國家,一刀切禁止佢地嚟英國,踢佢地出英國(包括特區護照持有人),我個人都唔會反對。

2 thoughts on “Home Office 膠到無朋友:BNA 改革遲早問題

  1. 世澤兄:

    “Home Office明顯虛耗大量資源去執行 IA 1971同BNA 1981,邊度有資源打擊真正嘅非法移民,咪玩喇” <— 認同. 但係 ……

    "仲要 British National (Overseas) 存在意義只係應付《中英聯合聲明》裡面保證個別人士返回香港權利之用,事實上同BOTC一樣係同時係British Citizen" <— 唔係, 最低限度, 牌面唔係咁, 我見如下:

    1. British National (Overseas) 存在意義係應付 (防止) 香港 BDTC 大量" 定居" 英國本土, 或最低限度, 應付 (防止) 香港 BDTC 大量 "進入" 英國本土.

    2. 保證個別人士返回香港權利, 在 HKID, 不在 BN(O), BN(O) passport 持有人能因 BN(O) visa free 入境香港, 但 "返回香港" 一般用法意指該個別人士之定居權, 呢樣嘢 BN(O) 無, 但仍然會因該 passport 內指向 HKID 而獲得.

    3. BOTC 同時係 British Citizen, 因有法可依, 但重點不在法, 在時間, 咪就係香港主權移交後即做囉. 但 97 前 香港 BDTC 呢?

    4. BN(O) 至今仍係 subject to immigration control, BOTC 同 British Citizen 唔係. BN(O) 至今仍係無 UK ROA, 而 BOTC 同 British Citizen 有, 咁 BN(O) "至今" 點同 BOTC?

發表迴響

你的電子郵件位址並不會被公開。 必要欄位標記為 *