許智峯-min

民主黨迫害 許智峯

許智峯 MP頂唔順政府啲EO狗仔隊無視議員私隱跟蹤嘅行為,一時氣憤搶走EO部手機,政府竟然報警,而民主黨仲過份,竟然凍結 許智峯 黨籍。政府係仆街,但民主黨內部有啲老屎忽係更仆街,為求議席不擇手段,自己友都殺,正仆街嚟。

許智峯 真係違法?

講被人搶手機,我有第一身經驗,我影中國大媽喺Starbucks亂嚟果陣,俾被人搶過,但最後警方告果條友唔係搶嘢,係刑毀,果時警察同我講,如果果位大媽肯俾番手機我,係告唔到搶劫,而果位大媽擲爛我手機,至告到刑毀。如果係標準一致,唔該差佬拉晒果啲被人影醜行,而公然搶人手機嘅中國大媽或中國人先,果件EO仲好意思報警,我想做邊個EO喎,呢啲EO為求升職做到咁狗,市民日後有乜事梗係避之則吉,依家啲公務員有啲真係沒有最仆街,只有更仆街。

跟住, 許智峯 點解咁快被民主黨割蓆,又唔見當年同馮煒光割蓆割得咁快,有時我記性太好真係唔係幾好,其實果次立法會選舉,啲老屎忽係想選港島區,只不過喺民意實力上唔及 許智峯 至係由許智峯 出戰。大家諗吓喺甘乃威被人老屈事件中,民主黨老屎忽嘅表現,搞到甘乃威其實一個喺雷曼事件表現出色嘅MP都無得連任,你可以睇到,民主黨內部一啲利欲昏心嘅老屎忽,可以點樣傷害個黨甚至成個民主運動。我睇唔到最後 許智峯 有乜問題,我只係睇到民主黨內部有人想乘機做佢,然後攞走港島區嘅議席,特別區諾軒嘅表現,啲老屎忽以為啲人含淚投票,就可以送佢返議會,呢啲阻住地球轉嘅老屎忽,發夢無咁早,跟老仲發議員夢,同馮檢基有乜分別?

我支持 許智峯 退主民主黨,佢係絕對一個勤力而稱職嘅議員,佢無黨支持都得,反正中西區其餘城鎮都係睇佢同甘乃威頭,搞得唔好,成個民主黨中西區支部譁變都仲得,當然我唔想呢個情況發生,但民主黨內部有部分老屎忽嘅行為,其實佢地同劉江華都唔係差太遠,民主黨可以屢出背叛民主運動嘅叛徒,兼且唔少做埋局長(民主黨出過三個局長,兩個仲要係現任),呢個黨內部有啲文化係好有問題,只不過兩害取其輕,好過熱普城班人渣咁解。但依家, 許智峯 退黨入議會陣線,可能仲好啲。

One thought on “民主黨迫害 許智峯

發表迴響

你的電子郵件位址並不會被公開。 必要欄位標記為 *