戰斧導彈-min

美國 戰斧導彈 演習喵準廣東

講起 戰斧導彈 ,大家都係諗起美國用嚟對付敘利亞、伊拉克呢啲仆街國家,應該無諗過 戰斧導彈 有機會喺香港或中國上空出現。但最近美國戰機演習,飛到台灣控制東沙群島水域附近,模仿空中發射 戰斧導彈 嘅姿勢,呢點大家要注意,如果中國喺南海或者台海亂嚟,甚至喺朝鮮半島北部亂嚟,美國有能力喺台灣控制嘅南沙或東沙水域發射 戰斧導彈 ,到時大家慢慢食驚風散。

中國無能力攔截 戰斧導彈

好多五毛見到 戰斧導彈 ,一定攞中國問俄國買嘅S-400打飛機,空襲敘利亞一役勝負已分,就係S-400根本係腎虧,所以普京喺敘利亞問題上完全無料到,根本回應唔到特朗普,亦係咁解。如果美國喺台灣控制嘅南沙或東沙水域向廣東省發射 戰斧導彈 ,中國係無能力攔截佢地,呢點係可以肯定。如果你信中國有能力攔截 戰斧導彈 ,我個人只好祝你好運。

由於依家形勢比想像中危險,所以對大部分香港人嚟講,renew BNO, BC或任何西方國家護照都重要,因為有必要果陣係要撤僑,或走返去西方國家避難,除非你認為你自己條命唔重要。而如果你睇唔到你有可能走得甩,唔計核戰,如果你唔想食正 戰斧導彈 ,我個人睇法係,唔好住近石崗軍營、舊菜園村高鐵車廠、石崗軍營、昂船洲一帶,因為如果出 戰斧導彈 ,雖然以敘利亞經驗, 戰斧導彈 嘅精準度好高,但誤中唔係無機會,所以除非你好想幫中國人擋飛彈,否則呢啲地方唔好接近,免招麻煩。而廣東,就肯定更加危險,就更加唔好諗。

美國會唔會襲擊香港,其實睇美國會唔會廢除或收緊《美國-香港關係法》就知,但我睇法係,如果依家香港政府同班投共仆街越嚟越赤化香港,香港實際越危險,阻止赤化,實際上係保住你條命,呢樣嘢係十分之重要,如果你連呢樣都唔明嘅話,我真係幫你唔到。

同埋,你應該知道你所屬國家駐港使館嘅緊急聯絡方法,如果戰雲密布,樓市股市開始因局勢大變而冧,就唔該你自己諗計買機票同臨時居住地走人,如果你有BNO好啲,有事最多去英國,如果你乜西方國家護照都無,依家嘅形勢我祝你好運。

2 thoughts on “美國 戰斧導彈 演習喵準廣東

  1. KMB592009 說:

    「瞄準」,不是「喵準」。難題黃先生是貓奴?

發表迴響

你的電子郵件位址並不會被公開。 必要欄位標記為 *