華為-Huawei-min

華為 即將玩完

喺中興呢個豬對手喺內部文件度指出佢地賣嘢俾伊朗嘅手法,都係向 華為 學習後,對美國政府嚟講如獲至寶,依家美國商務部正式調查 華為 ,睇嚟近年意氣風發嘅 華為 都離玩完不遠,因為基本上中興將 華為 一直以嚟扮乖學生嘅作為篤爆晒,基本上, 華為 唔駛玩落去,之後睇美國人點收拾另一個扮乖學生嘅聯想。

華為 班友滴水不漏

華為 係軍方背景嘅企業,所以唔單本來技術底強少少,仲有一點係,佢地對rules of engagement 呢樣嘢係有概念,所以佢地知道點樣欺騙西方國家政府,或者政府持有大股嘅電訊公司,所以華為喺英國願意接受GCHQ直接監管,喺德國佢地俾憲法保衛局班友睇實,都唔怕喺德國設立主要研究中心,甚至同德國電信合作,都係咁解。講EQ, 華為 班友高中興好多班,所以講危險,本來 華為 比中興危險得多,因為中興班友又膠又騎呢,呢班豬頭管嘅公司,真係好打有限,但 華為 就唔係呢回事,而且 華為 算係有一定嘅專利權揸喺手,所以情況實際上更麻煩。但依家多謝中興呢班蠢才,依家美國政府獲得重要證據對付 華為 ,加上澳洲政府之前嘅強硬態度,相信英國同歐盟好快都會跟美國政府做法,同一齊踢俄國大使館班賤人手法一樣,所以美國商務部宣布將 華為 落鑊,實際上係講明, 華為 即將玩完。

當然,由於 華為 設備都滲入唔少美國、英國同歐盟嘅關鍵基建裡面,所以實際上, 華為 比中興係麻煩得多,西方國家都需要唔少時間,將 華為 嘅設備檢查,甚至換番Cisco、Nokia Networks嘅設備,至可以保障安全。只不過,煮爆咗 華為 ,實際上亦令中國喺海外情報戰上滲透重創,亦令中國無法再掌握5G標準,相信5G標準會返去日本、歐盟同美國三邊自己傾番掂佢嘅局面。而相信好快,美國煮埋Lenovo聯想,一切亦會大功告成。雖然實際上,聯想因為只係得到IBM low-end Server業務,同埋公司架構同原本IBM PC部門黐得太實,而且美國要掌握Lenovo玩乜煮死埋佢,都唔係一件太難嘅事。 華為 被KO,天下會太平好多。

發表迴響

你的電子郵件位址並不會被公開。 必要欄位標記為 *