黃牌-min

中國知唔知 黃牌 警告嘅結果

貿易戰打到飛沙走石,而中國未有跡象糾正自己嘅錯誤,所以美國駐港總領事(大使)一係唔出手,一出手就講勁嘢,話美國對中國出 黃牌 警告,美國佬好少出英式足球術語講嘢,但一講係語帶雙關,如果中國仲諗住玩膠唔守國際規矩,支爆應該好快嚟。

黃牌 警告係乜意思

喺一般足球賽事, 黃牌 警告本身已經頗嚴重,因為球員再犯規就會被趕出場,如果喺國際級盃賽賽事,張 黃牌 唔只影響呢一場,仲會影響下一場,下一場食多張牌一樣趕得出場。如果國際貿易係一場國際級盃賽,即係美國呢次 黃牌 ,唔只純粹喺鋼鐵關稅問題,或者針對伊朗禁運問題咁簡單,而係中國只要喺其他問題上做得唔合國際貿易規矩,國際社會就可以請中國出局,所以 黃牌 呢個比喻係十分之強硬同嚴厲嘅措詞,香港人聽得明,習近平咁鍾意睇波,都應該聽得明發生緊乜事。呢個庶近最後警告,如果中國再亂嚟,美國就唔會客氣,唔好諗住學中興咁表面守規矩,實際上陽奉陰違,美國人發現到係死硬。

其實唐偉康呢個 黃牌 警告本身已經可以觸發支爆,因為好似Puma都諗住將中國廠房搬到東南亞,以避免美國貿易戰帶嚟嘅風險,依家美國講到係 黃牌 警告,而以中國人嘅習慣,中國人唔守規矩嘅機會係好大,隨時堅係紅牌罰離場,屆時真係唔好怨美國人,所以好多公司同工廠,一定提早開展南遷計劃,搬到越南、印尼呢啲短期唔會被美國人對付嘅國家,屆時大量資本同職位流出,以中國現時嘅狀況,真係唔支爆就奇。中國唔好以為手持大量美債好威,依家美債嘅息口上升,其實長揸美債係一啲都唔好玩嘅事。所以依家中國要諗清楚,係唔係堅要繼續依家嘅流氓作風,如果要堅持落去嘅話,美國係真心要趕中國出國際貿易市場,唔係講玩,而美國嘅市場,亦有呢個實力令到中國乜叉都唔駛玩,包括自主研發都唔駛玩。

所以俾著我係香港人,聰明係向南洋走,依家走去投共嘅香港人,係傻仔中嘅傻仔,依家中國隨時因自己嘅作風玩殘自己,我睇唔到中國人有反省過自己做錯咗啲乜,呢吓至係最大鑊,仲講超級連繫人?叫梁振英返去繼續做萬能蘇。

One thought on “中國知唔知 黃牌 警告嘅結果

發表迴響

你的電子郵件位址並不會被公開。 必要欄位標記為 *