Rees-Mogg-BREXIT-min

Rees-Mogg :唔留喺關稅同盟, BREXIT 仲有無其他可行出路

近日英國有傳 BREXIT 係甩唔到關稅同盟,即係英國喺海關層面,仍然係歐盟嘅一部分。跟住啲不切實際嘅保守黨 BREXITER ,好似 Rees-Mogg 就話咁都唔得。我作為一個居留歐洲,喺歐洲營商嘅保守黨員,我想問一個問題, Rees-Mogg,你有無任何唔留喺custom union以外可行出路,無嘅話就唔好扮上等人,唔該收聲。

Rees-Mogg 根本無方法解決愛爾蘭關卡問題

BREXIT最大嘅技術難關,並唔係居留喺歐洲嘅英國人(BC + BNO),或居留喺英國嘅歐洲人,呢個技術上解決得到,真正最大難關係Irish Border,因為愛爾蘭出現一個hard border,就一定係大災難,無論對英國嘅治安,愛爾蘭島上嘅宗教紛爭,到愛爾蘭南北兩地居民嘅民生,都有極負面嘅影響,出現border係一定會仆街,除非佢要一個border over Irish sea,否則只有留喺關稅同盟。如果出現border over Irish sea,結果就會係聯合王國瓦解,呢樣嘢一樣係大X鑊,關稅同盟,係滿足班友BREXIT需要嘅唯一可行方法,否則就乾脆留歐。如果 Rees-Mogg 有一個可行方法解決問題還好,但呢條友一味鬧鬧鬧,但無任何方案,無論Irish border問題,定係點樣重新團結英聯邦都係無方案,咁呢啲「上等人」政棍,究竟係唔係做緊一啲對整體英國人負責任嘅事,好明顯唔係。呢樣嘢,係我對Rees-Mogg極為反感嘅關鍵原因。

其實英國公眾慢慢睇清 Rees-Mogg 一類膠人嘅真面目,一班堅持死硬意識形態,但毫無實際建樹嘅友仔,所以彭定康多次赤膊上陣鬧爆呢班友亦係咁解。其實英國應該依家㩒停BREXIT,然後重建英國喺歐洲事務嘅力量,積極參與歐盟改革,特別英國啲政客政務水平,其實輸德國、法國兩國好多,依家英國係要做好多事挽回自己,包括全力走向文化民族主義,以及集中力量研究歐陸,特別喺United States of Europe嘅建立過程中扮演重大角色。但依家好明顯,英國被一班類似Rees-Mogg嘅清談二流政客害死緊。

發表迴響

你的電子郵件位址並不會被公開。 必要欄位標記為 *