成龍-min-厲害了我的國

帶澳門官員睇 厲害了我的國 張曉明係唔係想謀反?

厲害了我的國 成為天下第一燈片,成龍唱完主題曲,中興同華為全部被KO,呢套片下架都係小事,其實相關製作人員無攞去抄家滅族叫好彩。但張曉明似乎唔知死字點寫,喺澳門官員上去被洗腦果陣,竟然要去睇呢套膠片,我真係想問張曉明係唔係想謀反,連擦鞋應該用邊隻鞋油都唔X知。

厲害了我的國 根本依家係唔應該睇

除咗因為成龍強大嘅燈力,而令 厲害了我的國 要下架外,亦因為 厲害了我的國 好多內容,根本係令西方懷疑,喺貿易戰正緊張之際,中國喺策略上要 厲害了我的國 下架,雖然有打飛機變切Jer之嫌,但都不失為以退為進之道,依家張曉明故意同澳門官員一齊睇 厲害了我的國 ,張曉明想表明乜?想表明佢十分之愛中國,定係呢條友一直想謀反,樓上要佢做東,佢就做西?

啲人話韓正掌管中共港澳事務後,政策上會有所和緩,我睇唔出呢點,因為張曉明似乎控制港澳系統相當緊密,事實上,張曉明仍然做緊佢嘅山寨王,習近平最失敗,就係佢權力集中一人都好,都完全無辦法處理果堆已經變成咗義和拳嘅五毛,以及好似張曉明呢種打著紅旗反紅旗嘅仆街,喺風頭火勢仲同人睇 厲害了我的國 呢套片,可以睇到張曉明目中無人到乜程度,以張曉明呢條仆街嘅極左作風,篡改教科書、死撐港珠澳大橋、死撐高鐵,硬過廿三條呢啲明顯同中國實質利益相違背嘅政策,會繼續行落去。

如果習近平唔攞張曉明去秦城槍斃嘅話,我睇香港嘅結果係獨立,因為張曉明呢條友擺明陽奉陰違,佢嘅鬥爭路線實會行到全民作反為止,或者香港人大批投向英國同德國陣營為止。張曉明或者以為自己好醒,但實際上,美國駐軍台灣、金正恩洗乾淨屎忽賣俾美國後,以及對付中興華為後,下一步就係向香港進發,因為中國用香港公司同人做幌子嘅行為,唔好當西方國家喺呢方面一無所知。西方國家對中國所知甚多,而唔少英奸、加奸、美奸喺香港做緊乜,你估啲人真係唔知。如果我係香港人,係一定要同張曉明保持距離,甚至我係林鄭月娥,就乾脆炒咗蔡若蓮算,搵個教協人做副局長實際掌權好過。依家,香港保住自己,一定要同張曉明甚至中國劃清界線。

發表迴響

你的電子郵件位址並不會被公開。 必要欄位標記為 *