碰瓷黨-min

對付 碰瓷黨 ?取消自由行或者得

富有中國特色嘅 碰瓷黨 越嚟越猖獗,仲嚟到九龍塘搵食,有人用車cam影到有中國大媽衝向一架停定咗嘅車,試圖敲詐賠償。睇嚟喺香港要裝車cam,同埋遇到 碰瓷黨 後唔落車,等警察嚟,同埋要求將車cam SD Card擺入證物袋係常識。只不過,對付 碰瓷黨 最有效方法,並唔係車cam,因為呢班友呃錢係視車cam如無物,亦唔係白痴嘅當區區議員西門梓敬,或叫李梓敬,叫差佬多啲巡邏,差佬唔會識睇邊個係 碰瓷黨 。最有效方法,係取消自由行同雙程證,或者可以大大減少 碰瓷黨 作惡嘅機會。

碰瓷黨 點解咁多嚟香港

碰瓷黨 同果啲喺旺區肆虐嘅旺區傷殘乞兒都係同類動物,係中國嘅犯罪集團有組織運佢地落嚟,由於佢地目的唔係居留香港。所以,犯罪集團係犯唔著搵大飛運佢地落嚟,大飛走私係做啲更值錢嘅生意,所以佢地係同依家過份寬鬆嘅雙程證以及自由行政策有關,如果唔係有公安勾結犯罪集團亂批簽證,邊有咁多 碰瓷黨 大媽,旺角亂唱歌bad taste大媽同埋果啲旺區乞兒?所以唯一有效大大減少 碰瓷黨 嘅方法,係取消自由行政黨,大幅收緊雙程證審批,同埋香港政府拒絕來港目的可疑旅客入境,至可能解決問題,只不過李梓敬呢啲無X用嘅仆街,又要保住地產商喺自由行嘅利益,唔敢堅做嘢反對自由行,所以就話叫差佬多啲巡邏咁白痴。呢啲無X用,只識得擦北京鞋嘅無X用二世祖區議員係咁嘅質素,呢啲係又一村居民自己嘅選擇,你選咗個廢柴又怪得邊個呢?(最好笑係條友喺美國係幫左膠政客助選,但返嚟扮RechtExtreme,我真係笑X咗)。

對於一個真右派,嚴控移民係對付 碰瓷黨 呢啲狗屎垃圾嘅有效方法,其實我本來預期李梓敬呢啲宣稱右派會講呢啲,只不過,李梓敬喺中國共產黨面前立即腳軟,所以佢只不過係一個假右派。我諗喺 碰瓷黨 呢個問題上面,我右過好多人,甚至我認為,應該大幅削減中國移民,至可能有效解決香港當前嘅社會問題,只不過毒媒班友繼續放毒,反對限制中國移民,香港有幾多個真右派,我真係十分之有疑問。

One thought on “對付 碰瓷黨 ?取消自由行或者得

  1. 美國左膠….!介紹你看連續劇,今集的美劇Homeland(國土安全)第7季11集S07E11,看到美國死左膠政客醜陋的一面,無用,只能做個和平官,無處理危機能力,只會攪黨爭去彈劾一個好總統下台,他們容易相信別人(敵人),喜歡相信對家(敵人)也不相信自己人,明知共產黨不可信也要信. 好了到中了對方的反間計.之後為求自己脫身可以出賣自己人.而對家共產黨可以在會議上說謊,說謊又說謊.香港D左膠無能用才會在香港吃政治飯.

發表迴響

你的電子郵件位址並不會被公開。 必要欄位標記為 *