ZTE-中興-min

ZTE 可以設計晶片 :發夢無咁早

ZTE 被美國玩謝,跟住華為都會被玩謝,依家馬雲、馬化騰呢啲財技X,至附和習近平講,要乜嘢開發核心技術。只不過, ZTE 想自己開發芯片,已經摸咗門釘,因為美國果啲晶片設計軟件公司,好似 Cadence 咁,都唔會再俾 ZTE 用佢啲技術同服務,係俾錢都唔會同你做果隻。

ZTE 以為晶片設計好容易

晶片設計,依家已經係一門好複雜嘅技術,首先,當中可能包含好多唔同知識產權,你唔知幾時中招,就算蘋果都安全起見,當初買咗PA-Semi返嚟,都係咁解。跟住,你設計晶片要有一大堆軟硬件工具,唔通依家仲用一張張圖紙設計晶片咩。而呢啲工具,好多都係美國手上,特別複雜嘅晶片設計尤其係,所以 ZTE 同華為,甚至阿里巴巴我想問佢地點設計晶片,搞乜嘢核心技術設計。

依家中國人唔明白一樣嘢係,你依家中國衰係出口禁運技術俾一啲仆街國家,唔係侵犯知識產權,如果侵犯知識產權,你俾番相應嘅錢相關公司,日後買美國軟件開發自己嘅晶片,呢個係可以嘅,但如果你衰出口技術俾仆街國家,美國一句國家安全問題,可以令你連開發技術都做唔到,你自己開發出嚟嘅技術,如果用盜版就再用知識產權封殺你,呢個亦係俄國都唔敢出口太多技術俾伊朗嘅原因,喺呢方面,普京比起中國人心水清好多。出口技術俾一啲惡棍國家,係一回自討沒趣嘅事,幾乎係可以肯定嘅,所以 ZTE 可以設計晶片自救,根本係發夢無咁早,所以我話呢次侵總統係玩得好準兼好絕,華為同 ZTE 想主導5G,你班友返去早抖喇。

中國唔尊重國際遊戲規則,後果就係咁大鑊,特別中國人果種山寨式作為,根本無人再敢俾任何嘢佢地。如果中國以為喺香港成立公司,然後偷天換日,我睇都無乜前途,因為我相信咁做嘅結果,加上班土共想香港赤化,結果係《美國-香港關係法》提早結束,香港玩完,如果香港回歸英國領土,反而仲有一線生機,大家諗吓韓戰期間,點解霍英東可以幫中國做到嘢,都係因為香港係英國屬土,當時美國可以某程度上隻眼開隻眼閉,依家,梁振英做超級萬能插就有佢份。

3 thoughts on “ZTE 可以設計晶片 :發夢無咁早

  1. 首先做芯片那台機是軍事戰略物資,你是沒有途徑買到的.2)能做到12nm制程的實際上精度要求要10nm制程或更小.,IBM公司以前有個DEMO視頻用探針把原子填成IBM個字及用原子劃成一個火柴人射球.我都希望真是把錢用作研究經費上(自己以前是BioTech),而不是買小三,吃睡痾屌上,大6大把這類人,自己沒有思想只有動物性低階行為,電視上講的野會全信,所以多騙子及信官媒, DNA論好meant但接觸得多你便看到.攪不好又變成全民大炼鋼,歷史不斷重覆.所以同意如你所說,個OS出現問題,行跟MS-DOS3.0,連WIN98也不是,我好奇怪像大6的獨裁要改很容易,可能個個懒得改,個個望有個(和諧)環境賺完錢走人.

  2. 我只係希望美國可以禁埋中國所有OS,如果中國用唔到iOS,Android同Windows下場會係
    -支付寶同微訊支付即死
    ,仲會比所有人一齊draw錢
    -共享單車比所有人draw返晒啲按金,單車公司隨時破產
    公眾位置實時監察即時失效,即係新疆嗰面即時失去主動權
    -實時公眾言論監察即時失效
    -動車高鐵公共交通全部要即時改回現金或銀行卡交易,即係鐵路總局出事
    -網上購物交易即時減8成,即係淘寶同天貓即時出事
    所有自動出入境系統都死晒,因為中國海關都係用windows系統

    基實中國新四大發明都係依賴住美國2大手機系統

發表迴響

你的電子郵件位址並不會被公開。 必要欄位標記為 *