北韓車禍-min

北韓車禍 會唔會係一單老謀?

北韓車禍 ,本來未必係一單新聞嚟,只不過,如果 北韓車禍 啲乘客係中國啲人,呢單車禍當中一定耐人尋味,隨時涉及北韓同中國之間嘅諜戰。呢鋪 北韓車禍 令32名北京一間旅遊公司嘅員工死亡,我估呢單嘢似係老謀多少少。

北韓車禍 點解會係老謀

北韓同中國之間互有諜戰唔係新聞,特別金正恩想賣佢個屎忽俾美國人,應該唔係第一日嘅事。喺北京果啲北韓開嘅「韓國餐廳」,好多員工都係北韓情報人員,呢個幾乎係中國北京城內好多人都知嘅傳聞。同樣,中國喺北韓啲公司員工,特別國企,有幾多係中國間諜,其實北韓都心中有數。而呢單車禍,架車竟然係喺一條因兩韓峰會而翻新嘅公路上發生,你覺得死咗果三十二條友係乜嘢人?仲要中國立即派醫療人員去醫,最多帶藥物就夠,帶晒中國重點醫院嘅醫務人員過去,擺明就係信唔過北韓嘅醫務人員,好大機會呢啲「旅遊公司員工」本來係幫中國蒐集兩韓峰會情報,點知一個唔該被北韓發現,以金正恩嘅心狠手辣,你覺得呢班友下場會係點?我相信大家都會估到。

所以我唔明點解,香港會有人參加果啲,有某啲親共學者有關嘅友仔搞嘅北韓團,其實呢啲團係十分之危險,因為你一唔小心,被人點咗相都唔知,喺金正恩同侵總統峰會未開之前,北韓都係十分危險,其實係唔應該去。如果想感受DMZ果種氣氛,我諗你你坐Korail嘅DMZ Train已經好夠皮,板門店休戰村,特區護照唔准去,唔駛諗,BNO/BC可以去,但都唔建議去,因為呢段日子DMZ嘅氣氛係最詭異,特別北韓乜事都會發生。

依家我睇,中國夠唔夠薑搞軍事政變,一嘢搞掂金正恩呢個唔聽話嘅友仔,但我睇唔咁容易,金正恩一嘢KO咁多中國間諜,特別隨時呢條友依家可能有CIA同南韓方面嘅情報支援都唔奇,果條兩韓熱線,背後係有好多南北韓通訊渠道去支援,我相信呢次 北韓車禍 ,應該仲有美國同南韓嘅情報合作,都一啲唔奇。都係果句,如果你唔想變成某啲人掩護中共間諜嘅棋子,果啲古靈精怪組織嘅北韓團,都係少去為妙就好,免得死咗都唔知乜事。

補遺:如果你揸特區護照,因為喺聯合國指定限制地區人士,所以你無得去板門店,或者要好早申請先批,但BNO一般好快就批,話BNO唔係英國國籍嘅友仔,你試吓叫佢去板門店睇吓DMZ囉。

發表迴響

你的電子郵件位址並不會被公開。 必要欄位標記為 *