Uber-的士

Uber 定的士係道路炸彈

Uber 喺香港發生車禍後,浪費大量午餐肉資源聞名嘅亡國興,係王國興至啱,上街要求政府取締 Uber ,老屈 Uber 係道路炸彈。呢句嘢,相信激嬲好多香港道路使用者,如果講道路炸彈,係的士佬都未到啲 Uber 司機喇。

Uber 司機嘅駕駛態度好太多

如果 Uber 司機駕駛態度差,唔會等到依家至有一單 Uber 車禍,好多 Uber 司機,雖然唔係職業司機,但佢地嘅駕駛態度係謹慎過的士好多,特別的士好多時揸車有如趕住投胎,但 Uber 司機好多時唔會亂咁越線爬頭,齋係呢點,王國興嘅指控已經係純粹為的士牌持有人而做嘅一面之辭,根本係離晒大譜。的士司機成日捲入啲致命車禍,因為的士佬亂嚟,其實好多香港乘客同司機都知,我諗呢樣嘢,唔駛人地講。都仲未計,的士司機一路揸車一路賭馬嘅唔專業行為, Uber 司機揸車果陣,好少聽住商台嘅賽馬直播而分晒心。

Uber 嘅司機,其實普遍亦好啲,好多都係性能好,保養一流嘅車,而請問香港的士用啲乜嘢車,係用非洲用車方法嚟揸嘅Toyota Comfort為主。如果政府唔改革的士燃料政策,香港人要繼續硬食呢啲輕飄飄,唔好揸,保養同非洲一樣嘅的士。喺意大利,呢個已經係一等膠國,但我坐的士都係性價比好嘅車,我唔駛香港學德國咁,大部分的士都係Benz,但至少可以俾司機揀性價比好嘅車,我唔知香港政府肯幾時結束豐田可以玩晒的士市場嘅官商勾結政策,但我知係,依家香港的士同 Uber 啲私家車,甚至一流牌子嘅房車比,係根本無得比,由呢點嚟睇,的士比 Uber 更加似道路炸彈。

所以工聯會夠薑再出嚟選,香港司機應該投工聯會啲對家,因為呢班工賊,根本係同香港所有道路使用者為敵,喺香港的士制度未改革前, Uber 唔係道路炸彈,真正道路炸彈係的士,依家亡國興係浪費咗唔知幾多罐午餐肉賊喊捉賊,極為無恥。香港政府要做係將 Uber 合法化,的士牌價由得佢仆到喊算,因為香港的士業界,根本係一班不思進取嘅仆街,呢啲車同司機,係公路老鼠,人人喊打。

發表迴響

你的電子郵件位址並不會被公開。 必要欄位標記為 *