金正恩-min

金正恩 棄國

金正恩 喺兩韓會談前宣布,北韓嘅核武完成歷史任務,北韓將會全力搞好經濟,核試場唔再用,再一度令到外界目瞪口呆,因為正常 金正恩 唔會咁做。好明顯,中央情報局局長訪問平壤果陣,俾咗極其充分「安全保證」,所以 金正恩 無條件放棄核武。

金正恩 點解可以咁無條件放棄核武

其實 金正恩 可以無條件放棄核武,真正嘅「安全保證」,梗係唔係美國撤軍,或美國撤出喺朝鮮半島嘅核武,我都係果句, 金正恩 由始至終係想放棄國家,然後去瑞士好好生活,呢個係真正嘅 金正恩 ,所以一直以嚟發展核武,好大程度上係attention seeking嘅行為,你手上乜都無,你覺得阿水會同你傾咩, 金正恩 都係奉行以戰迫和哲學嘅人。依家由侵呢個商人做總統,其實 金正恩 要嘅嘢好易俾到,咁就唔難。

我相信由於南北韓特殊情況,北韓會暫時存在一段時間,甚至 金正恩 可以呢段「看守期」加倍吸水,但基本上, 金正恩 要做,就係維持北韓政府至南韓政府可以接管,佢順便吸水去瑞士。依家北韓嘅崩潰,隨時比東德更快,東德果陣共產黨仲有鬥志保住政權,只不過,柏林邊防裡面膠到亂龍,結果一夜之間柏林圍牆玩完。依家 金正恩 肯去南韓一邊板門店開會,我恐怕南韓真正要準備,係有秩序接手北韓呢個世紀爛攤子,雖然對有心做企業探險家嘅人嚟講,依家可能係一個好機會嚟。因為南韓本身,並唔會具備消化成個北韓嘅能力。

中國被貿易戰包圍,跟住隨時一夜之間失去朝鮮半島呢個京城屏障,依家中國根本無牌喺手,當然唔排除有人軍事冒險喺台灣,隨時係國民黨班台奸策動,因為我相信嚟緊六都選舉,國民黨候友宜輸埋俾蘇貞昌機會好大,畢竟蘇貞昌擔任台北縣長果陣口碑極佳,而台北縣基本上已經重歸綠營勢力範圍。當國民黨輸到連剩低一個直轄市都無果陣,就會有人以為做帶路黨係無問題,但如果真係台海戰爭,相信不出幾日中國即時敗亡,屆時中國就真係唔支爆就奇。而 金正恩 棄國,喺促進支爆呢方面扮演積極角色,北韓嘅戰略位置,其實唔難明,但中國班友對 金正恩 識條鐵。

One thought on “金正恩 棄國

發表迴響

你的電子郵件位址並不會被公開。 必要欄位標記為 *