中興通訊-min

中興通訊 蠢材太多

以前香港寬頻有句口號,叫生有限,活無限,其實仲有一句話,喺 中興通訊 事件裡面,大家可以睇到出嚟,就係智有限,膠無限。 中興通訊 一間同伊朗做仆街網絡竊聽服務嘅公司,竟然可以抄咗人橋後,將人地嘅橋一五一十咁作紀錄,仲要請人就唔用常識,膠到呢個層面,大家明點解何志平一個咁有經驗嘅眼科大國手,做嘢小心開都可以中伏到被人拉。

中興通訊 蠢到一個點

其實 中興通訊 明知自己被美國罰過,同伊朗嘅生意就係一單都唔好再做,因為實死硬,但 中興通訊 仍然堅持要做伊朗生意,呢種蠢已經係非比尋常嘅程度,但有可能係政府迫佢,因為中國政府裡面都蠢人當道,呢一點香港人都十分之清楚,否則點會有王國興、鍾樹根、葛珮帆呢啲極品浪費地球寶貴嘅資源至得。

跟住, 中興通訊 向華為學習迴避美國玩法嘅方法,呢啲嘢,只能係老闆口耳相傳,但居然有人一五一十寫成文件,就算擺喺encrypted server都十分之危險,擺喺一個無password嘅share folder,就直頭膠到無法想像,你會懷疑 ZTE 有高層係遺失咗大腦,唔知要喺邊度搵番佢出嚟,不過都算嘞,去到呢個位,都未係最硬膠。

最硬膠嘅事係,為咗幫伊朗班神權仆街做嘢,惹到一身蟻,你大可以搵個信回教嘅美國律師,或者黑人美國律師,或者白人美國律師都可以,但 中興通訊 做咗一個極品嘅決定,搵個猶太裔嘅律師,而伊朗成日都黐X線諗計要消滅以色列,你覺得猶太裔人會點做,報寸俾FBI絕對係合情合理,而且係拯救以色列嘅決定。當蠢到呢個層次果陣,你會懷疑 中興通訊 嘅高層嘅腦袋,係唔係一早被喪屍食晒落肚,因為成件事去到呢個位,已經膠到無得再膠,係無得頂嘅程度。

其實 中興通訊 高層嘅愚蠢,係中國政界高層智商水平嘅反映,由呢啲事,大家可以明白,點解南海軍演會見美軍就草草收場,厲害了我的國要收番,打飛機變切Jer嘅問題關鍵喺做決定嘅人蠢才太多,香港居然有人以為呢啲白癡統治嘅國家會征服世界,我只能講,香港其實一街都有腦袋遺失案。

One thought on “中興通訊 蠢材太多

發表迴響

你的電子郵件位址並不會被公開。 必要欄位標記為 *