港元-2-min

港元 無被人惡意沽貨?咪玩喇

港元 不斷被人挑戰弱方兌換保證,已經十三度接貨,接咗五百一十億 港元 ,當銀行體系結餘越嚟越少果陣,政府仲話未見有人惡意沽貨,呢啲真係呃港豬,幫地產商幫到一個無良而不顧銀行系統安危嘅地步。有人問我好唔好將資產換晒美金,我答案係:必須。

港元 根本唔可能守住

呢次有人不斷衝擊 港元 ,當然目的係隊冧股市,但香港要隊冧股市,最有效方法係先夾高利率,當銀行體系結餘嘅數字越嚟越低果陣,最終市場反應得一個,就係加息,一旦加息,對供緊樓嘅人,以至借錢買樓嚟炒嘅友仔,係會有影響,樓價同股市有一定連鎖反應,所以你估儲子彈啲友仔係無計過數,咪玩喇,而且都估得頗為精準。所以十三度沽貨,證明有人大把子彈兼且有耐性一路質,質到被迫宣布加息為亦。

一旦樓市出問題,香港嘅銀行系統係一定出問題,因為有大量抵押品係物業單位嚟,而呢種情況係十分之唔健康,屆時香港銀行系統仲唔走得慢無鼻哥,而且會對聯匯最終前途構成打擊。所以有唔少讀者問,如果依家情況可以點,我答案係揸美金。除咗日常生活必需駛費之外,全部都係用美金行事,或者可以揸一定數量歐元同日圓平衡風險,但英鎊我係唔建議,因為英鎊受到BREXIT影響,未必會跌,但果個係賭場,唔係適合作避險。

甚至你揸金條都可以,喺歐洲有金條買,所以可以去歐洲買實金,香港啲實金唔知點解消失晒,有可能同中國人買鬼晒有關,但可以肯定嘅係,所謂紙黃金並唔係一個值得持有嘅資產,因為你啲資產留咗喺銀行體系。基於呢個道理,除非你海外有銀行戶口,否則你嘅歐元、日圓、美金或者英鎊,都必須係實物鈔票,最多有必要果陣買個夾萬,而唔係存喺香港銀行系統之中,呢個亦避免一旦香港出現外匯管制嘅問題,畢竟依家嘅香港政府,係為中國利益服務,唔係為香港人嘅利益服務,呢一點,香港人係必須要有清醒而清楚嘅認識,並無太多含糊嘅空間可以出現嘅。

總之依家時勢對中國越嚟越不利,香港人係要自求多福,唔係聽果啲一手擦中國鞋,一邊去咗外國果啲仆街冚家鏟。

One thought on “港元 無被人惡意沽貨?咪玩喇

  1. 我看些新聞稿時心想唔通個政府官員同你說,是呀,港元被沽空,各位市民請睇路,引起panic?如是全民換錢不消3個星期美元儲備會被用元.2)HK銀行是水浸但我相信是以人仔形式存入.3)我看這些資金流動,會不會北韓會議會講不掂數?現在換了美元但依然停泊在香港,如出現問題就直接匯出不用到時才換才匯?P.S.要說一說那燒山台的金融節目,這些人為了錢5毛到爆又無科技知識,人吹他吹,又是說中國芯片超強,明天中國制芯片手機領導世界論,這些謎米台和香港討論區已經可以用垃圾台來形容.

發表迴響

你的電子郵件位址並不會被公開。 必要欄位標記為 *