ZTE-中興-min

ZTE 被美國制裁與中國產業前景

ZTE 被美國查到繼續賣嘢俾伊朗,仲要膠到學咗華為嘅手法後,一五一十寫成文件(係,寫成文件),結果不單 ZTE 依家一鑊玩完,用 ZTE 設備嘅電訊公司要立即換系統(否則零件都無得換),仲搞到華為都被人查埋,中國名副其實一鑊熟。

ZTE 衰啲乜

其實美國技術唔可以賣俾啲仆街國家,幾乎係IT人常識嚟,否則早期啲encryption技術就唔會有咁多限制,連browser都要用美國版同非美國版,但係中國啲公司係一於唔理,一味得個貪字,又唔係好似俄國佬,自己真係有自主技術賣俾伊朗人,就算俄佬有能力賣啲美國得番嚟嘅技術,都唔會被人捉到賣俾伊朗咁膠,中國企業果種急功近利,貪字得個貧嘅情況,就充分表露無遺,真係沒有最膠,只有更膠。

但更膠嘅事,喺 ZTE 本身連搵人研究法律都懶,抄完人地嘅方法,仲要一五一十寫出嚟,呢啲豬腦中國企業好多,就係乜都要就手即食,不顧後果,連累人地行家都無問題,如果唔係 ZTE 咁豬頭,華為呢間同軍隊關係密切嘅企業,美國都未必查到咁多仆街嘢,華為嘅軍隊背景,係令華為做嘢好小心,例如一早請前GCHQ嘅人做嘢,試圖取信英國,以至好多時搵洋人做發言人,以洋制洋,依家 ZTE 咁玩法,乜嘢都唔駛玩落去,華為被禁使用Android作業系統,以及各類美國技術,其實只不過係遲早問題,因為某程度上,華為其實比 ZTE 更加危險,華為都未必諗到 ZTE 變相借咗美國佬把刀斬到佢地一頸血,雖然 ZTE 應該無借美國政府刀嘅企圖或意圖。

中國如果啲企業繼續幫中國政府做埋啲仆街政治任務,我可以咁講,中國企業,甚至香港企業死嘅機會係九成九,依家中國企業要喺海外生存,就必須明確向政府說不,香港啲企業更加要識呢啲嘢,但依家睇梁振英,董建華,以至一眾親共政棍嘅言論,佢地似係推香港企業去死嘅機會多啲,政治任務就係唔可以掂,呢個都幾係政治常識嚟,只不過,香港商人咁鍾意講我討厭政治,政治呢家嘢,佢地同王菀之都係一樣,完全係識條鐵,為少少著數死咗都唔知乜事。

發表迴響

你的電子郵件位址並不會被公開。 必要欄位標記為 *