裸官-梁振英-min

無恥裸官 梁振英

梁振英 喺賣台團體搞果啲賣港論壇上,話自己希望下一代,唔駛有英文名,亦唔駛有外國護照。其他人講呢句嘢,我無咁慶,只不過由 梁振英 把口出就好慶,除非 梁振英 可以出示BNA 1981之下,有英國內政部蓋印嘅Form RN,或英國國籍退出證明,否則叫 梁振英 返去仆街。

梁振英 根本係無恥裸官

中共有個政治術語叫裸官,就係官員本人可能無外國護照或居留權,但佢啲直系親屬全係外國人, 梁振英 正係呢種人,佢老婆龍蝦係英國公民,而佢嘅子女喺BNA 1981下都係英國公民,件事就係咁簡單,而 梁振英 本人技術上,係有EEA Family Permit嘅申領權,即係佢係有權居留歐盟國家,佢都好意思講呢啲咁嘅嘢, 梁振英 呢啲除咗係無恥,我睇唔到第二樣嘢。

我對土共中人發表愛中國偉論嘅標準一向好簡單,就係唔該佢地出示退出外國國籍證明,並且自己去中國定居,呢啲方能算數,點解我咁講,因為我祖父母果輩親共印尼華人,係真係送子女去中國住,仲兼且中埋伏,所以基本上,親共印尼華人投共嘅代價,其實佢地已經食番晒,正由於呢個背景,所以我係極度鄙視好似 梁振英 、周融呢啲,成家人有外國居留權,甚至自己都揸英國護照,但又大發愛中共偉論嘅仆街,呢啲友仔簡單嚟講,就係虛偽透頂,不知所謂。而梁振英身份中國全國政協副主席,如果佢講到自己咁X愛中國,更加應該出示所有家人不具英國國籍,或其他可能外國國籍嘅證明,呢啲至叫以身作則,但好明顯, 梁振英 一家根本唔係呢回事,呢啲人除咗徹底鄙視,我無其他嘢好講。

我對香港人英國國籍立場,憑1997年7月1日前BDTC-HK或CUCK-HK身份取得英籍以及其後代都可以claim英國國籍,但投共人士例外,因為投共人士呢啲揸護照嘅行為,係一種雙重背叛,既背叛英國,亦背叛中國,呢啲唔叫食兩家茶禮,呢啲叫做食夾棍中嘅食夾棍,真係人人得而誅之。但我睇, 梁振英 呢啲無恥裸官,係絕對唔敢出示英國內政部提出嘅退出英國國籍證明,佢敢提出嘅話,啲人或者都無咁鄙視佢嘅。

發表迴響

你的電子郵件位址並不會被公開。 必要欄位標記為 *