一帶一路-min-2

歐盟成員駐華大使反對 一帶一路

德國商報(Handelsblatt)報導,歐盟成員國駐華大使,除咗匈牙利外,幾乎都打算聯署聲明反對 一帶一路 ,呢件事,固然反映咗西方國家對納粹中國嘅圍剿,但另一方面,可以睇到歐盟國家內部親華派嘅勢力究竟有幾大強大。

一帶一路 喺歐盟神憎鬼厭

首先,最初向中國跪頭「中國通」嘅英國,都有份聯署呢份聲明,證明喺英國外交系統中,連駐華大使館呢個中國通大本營都要歸邊,呢件事可以反映英國對華政策嘅改變,對香港人嚟講,英國對華政策實質強硬嘅話,以後仲會有其他好戲發生,呢點香港係必須要注意嘅。

另一方面,連素來被認定賣咗屎忽俾中國嘅瑞典、芬蘭、愛沙尼亞、意大利、希臘、塞浦路斯等國都聯署,證明 一帶一路 喺歐盟國家幾咁神憎鬼厭,如果中國想用 一帶一路 商機吸引歐洲人,或者都未必有太大可能,喺美、德同法三大巨頭壓力下,如果連英國都唔再親華,其餘歐洲國家就更無親華嘅理由,中國用咁多錢買呢啲國家嘅屎忽,我相信都係枉作小人,況且中國人計得太盡,呢啲國家根本無由中國身上賺得太多嘅好處,又何必為 一帶一路 呢個海市蜃樓,去得罪傳統上幫自己嘅大國,尤其係美國。

而匈牙利會企到咁硬,其實同匈牙利執政黨嘅惡棍態度有關,匈牙利嘅言論自由日趨惡化,匈牙利喺歐盟委員會嘅投票權隨時被凍結,正由於呢個緣故,所以匈牙利同中國嘅結盟,係遠多於金錢因素,簡單嚟講就係有人想做獨裁者,以為中國呢個獨裁政權可以做匈牙利依家果個惡棍政權嘅靠山,所以匈牙利日後喺歐盟裡面嘅地位,隨時會真係被凍結,因為呢個國家嘅做嘢方式,特別當權果班實在太有問題,去到一個難以接受嘅地步。

依家 一帶一路 並唔係商機,而係政治負累,香港人仲要聽梁振英條仆街老點,死要做 一帶一路 只會係死路一條。如果梁振英日後又講乜嘢唱好 一帶一路 嘅故事,要做超級聯繫人呢啲嘢,送呢條仆街去吉爾吉斯一次好。依家對中國市場,以至 一帶一路 概念,有錢可以賺,但唔好俾中國搵笨,因為大部分情況下,中國係搵人笨多過俾錢人賺。

發表迴響

你的電子郵件位址並不會被公開。 必要欄位標記為 *