公安條例-文翠珊-min

文翠珊嘅道歉論: 公安條例 係時候廢除暴動罪一類惡法

BREXIT無論喺英國帶嚟幾大災難都好,有件事係帶嚟英國明顯轉變,就係英國政府會向一啲不合人權嘅惡法道歉,或糾正,尋日講過Windrush嘅嘅糾正,今日要講係佢為英國留低喺前殖民地嘅歧視LGBT嘅法律道歉。

公安條例 都係時候收工

They were wrong then, and they are wrong now

呢句嘢係,佢語帶雙關,就英國留低喺殖民地年代嘅歧視LGBT法律道歉,並且促請其他保留呢啲惡法嘅英聯邦國家廢除呢啲垃圾法律。BREXIT嘅結果,係英國必須要做番英聯邦嘅一哥,但做一哥唔係靠武力,靠經濟,畢竟英聯邦大把成員有錢過佢,軍力同英國一樣抽得,英聯邦國家都唔只得英國有核武,印度同巴基斯坦都有核武。英國要重建英聯邦國家地位,一定要喺人權同反歧視做番足,至少唔可以輸俾已經喺歧視問題上找數找得七七八八嘅澳洲、紐西蘭同加拿大,所以英國開始就殖民地年代留低啲膠嘢陸續道歉,順便塞住果啲拒絕改革嘅人把口。

其實香港有好土共仆街保留惡法,都係攞英國人做擋箭牌,認為英國人都未就呢啲惡法找數,點解中國人唔用得呢啲法律,但依家係,彭定康年代, 公安條例 同社團條例嘅膠數找晒,而如果英國人要就 公安條例 道歉,如有必要果陣都唔難,屆時中國人想攞乜做擋箭牌,我都想知。而且人權作為英國推廣自己軟實力嘅工具果陣,一旦中國同英國打起心戰,中國人有排輸,以往仲有好多人認為BNO平權之類係天方夜譚,但依家未必,因為就算BREXIT要煞車,如果英國要喺歐盟同法國以及德國爭奪主導權,呢啲膠數都一定要清理,所以文翠珊首相係呢方面,係經過深思熟慮,並唔係突然間扮好人,而係英國人要回應時代嘅挑戰,呢個同英國首相麥美倫嘅著名演說Change the wind係有得比嘅演說,保守黨終於明白,要重建大英帝國嘅光輝,必須回應時代嘅挑戰,麥美倫一手推動英國入歐,最後被班衰仔搞到一鑊泡後,依家要糾正錯誤,靠嘅正係呢種意識到時代轉變嘅精神,依家唔知時代在變,只剩果啲白痴五毛。

發表迴響

你的電子郵件位址並不會被公開。 必要欄位標記為 *