韓戰-金正恩-min

金正恩技術上結束 韓戰

喺世界上,仲有啲戰爭喺技術上係未結束,包括中華民國同中華人民共和國之間嘅戰爭,以及 韓戰 。 韓戰 到依家都係根據《朝鮮人民軍最高司令官及中國人民志願軍司令員一方與聯合國軍總司令另一方關於北韓軍事停戰的協定》,技術上係停火,但兩者仍然喺交戰狀態。只不過,如果金正恩真係技術上令 韓戰 結束,就唔會好似東西德締結Grundlagenvertrag咁嘅情況,而係金正恩好大機會準備棄國。

韓戰 技術上結束嘅含義

東西德締結Grundlagenvertrag果陣,其實係有之前嘅四強協定做支持,因為東西德實際上係四個國家佔領區嚟,西德係英、美、法佔領區,而東德係蘇聯佔領區,呢個亦係點解德國統一必須要有一份四加二條約做支持方能作實嘅原因。而北韓嘅實際前身係蘇聯佔領區,只不過後嚟蘇聯唔似對東德有咁多指手劃腳,呢個託管責任實際由中華人民共和國負擔,呢個亦係中華人民共和國呢種「軍事佔領」北韓國際上無人挑戰嘅原因,因為本來日本軍事佔領,中華民國都有份。所以,如果金正恩要技術上結束 韓戰 ,係必須有中國同意,不論北韓嘅憲政本質,定係因為 韓戰 嘅停火協定,實際上包含所謂中國人民志願軍,亦即中國人民解放軍在內。甚至係要美中條約,至可以有一條金正恩簽得嘅結束戰爭協定。

但依家唔係,金正恩打算自己嚟,即係呢位首個訪問南韓嘅北韓領袖,好可能打算棄國,正如Grundlagenvertrag當東西德互相承認對方政府同主權,為日後東西德統一鋪好咗法律基礎(令1989-1990年嘅統一進程快好多),而依家金正恩咁樣,不單代表咗美國對金正恩嘅安全保證,而且好大機會技術結束 韓戰 後就棄國,因為北韓一旦大開國門,情況可能比當年東德開放國門更壞,東德當年大部分地區都收到西德電視,而北韓係一堆長期受洗腦嘅人突然受到南韓高度物質文化嘅衝擊,你覺得金正恩仲可以執政落去,我相信呢個已經係笑話。

好大機會,美軍就會駐守喺北京門口,除非中國遷都,否則呢次事件係戰略轉捩點。呢件事我一早估到,只不過中國啲外交判斷實在太廢。

One thought on “金正恩技術上結束 韓戰

  1. 兩韓同德國有點不同,四國佔領德國是基於它們是參戰國,但中華人民共和國「理論上」沒參戰,否則那支軍隊就不用改個「志願軍」的化名。所以「法律上」中華人民共和國政府在兩韓和平協議上沒角色。

發表迴響

你的電子郵件位址並不會被公開。 必要欄位標記為 *