Windrush Generation-min

英國向 Windrush Generation 認錯講起

近日有單英國新聞,啲五毛一定唔會講,但喺英國係一單大新聞,就係有一批Windrush Generation嘅人,多數細個隨父母移民入英國果啲,因為無喺IA 1971生效果陣攞過英國護照,或任何ILR,面臨遣返,結果英國政府道歉兼會免費搞掂件事,英國首相仲要同受影響嘅英聯邦公民原籍嘅國家道歉。

Windrush Generation、BIOT、BNO

所謂 Windrush Generation 就係二次大戰過後,因為英國勞力短缺而移民過嚟嘅英國屬地公民,當然佢地係CUKC,大部分都喺IA 1971生效果陣獲ILR,並且BNA 1981果陣成為英國公民,但係,英國係一個無身份證國家,好多人唔會無喇喇走去renew passport,英國仲有人係成世人連passport都未攞過,呢啲無紀錄人士,Border Agency當晒佢地逾期居留要deport。喺上世紀八十年代,或者唔會得太多同情,但喺BREXIT嘅今日,呢啲對英國有功嘅人被deport梗係全國鬧爆。文翠珊首相,因此要道歉,並且講明佢地入籍英國費用全免。

其實呢個只係英國戰後四大入境政策錯誤其中一個,另外三個就係大馬BOC、香港BNO同印度洋BIOT,而香港BNO同印度洋BIOT都已經有執政黨成員要求平權,印度洋BIOT平權嘅私人法案,將會喺月底二讀,當中免費糾正問題方法,同 Windrush Generation 嘅解決方案如出一轍,大家大概可以估到,英國面對後BREXIT需要重新凝聚英國身份嘅世代,呢啲歷史錯誤係會陸續糾正,特別 Windrush Generation 屬 Commonwealth Citizen都認錯,咁BIOT同BNO更加唔可能唔糾正錯誤。而呢啲錯誤糾正、英澳紐加自由行動呢個至可能行得通,因為IA 1971嘅出現,同時傷咗唔少澳、紐、加國民嘅心。有啲唔識扮識英國國籍法嘅友仔,亂咁幫人副署後又出嚟亂發音,我真係睇唔過眼。

而剩番一個錯誤,叫檳城同馬六甲BOC,如果馬來西亞真係瓦解,變成一個多種族國家,好似新加坡咁,其實佢地亦唔會要求平權,我諗佢地更以檳城公民或馬六甲公民為傲。正如新加坡,無人想claim back番英國公民身份,大家諗吓點解喇。

發表迴響

你的電子郵件位址並不會被公開。 必要欄位標記為 *