天下為公-田北俊-民主黨-min

田北俊 天下為公 :戰略目標喺邊

由民主黨牽頭對付梁振英嘅 天下為公 行動,出現咗新變化,喺自由黨黨慶酒會果陣,田北俊竟然將一千蚊金牛現金交俾林卓廷,雖然呢次係田北俊嘅個人行動,但喺中聯辦高層在場,林鄭月娥在場嘅情況,玩啲咁嘅嘢,仲要明示有錢佬會肯捐錢,證明呢次事件殊不簡單。

天下為公 與剿滅衝鋒隊

長刀之夜,一次希特拉清算納粹黨內部不受控制勢力嘅行動,喺二次大戰後,喺英國政壇都係用嚟稱呼當權派清理果啲不受控制分子嘅行動。其實依家香港都出現一股保守勢力都無法接受嘅黐線人物,例如果啲愛黨力中人,甚至周融、梁振英呢啲人,依家係呢班友,同中聯辦部分人,乘勢要香港行極左政策,極左政策喺現今嘅局勢,係會損害相當多人嘅利益,因為香港隨時要做番本來中國同西方交接嘅角色。因此,係有必要消滅梁振英呢啲人,而UGL案,係清理梁振英以及佢嘅同黨嘅最有效方法嚟,因為呢次係反貪,呢鋪係梁振英自己仆街在先,所以,田北俊呢張俾 天下為公 行動嘅支票,喺呢個咁嘅場合俾出嚟,情況都不言而喻。

所以,梁振英唔出席自由黨黨慶,梗係唔係因為怕見田北俊,而係呢次 天下為公 行動,梁振英明顯係圍剿對象,而且喺一個親土共政黨嘅黨慶上,接收呢筆現金,田北俊仲要肯影相,呢一切政治信息係好清楚。如果周融呢班友唔受控嘅話,結果就係梁振英被拉,跟住同梁振英一齊搵食果啲,又唔肯投誠果班友,亦都會一併被清算。

而且呢次行動,如果譚鐵牛在場都居然會無問題收到現金,唔應該係田北俊做咗賭撚,因為佢上鑊廿三條反董建華檯,都係見咗王光亞再伺機行事,起董建華尾注,譚鐵牛隨時呢條友可以bypass埋王志民,目標十分之明確,呢次係習近平收拾自帶五嘅預演,依家呢班自帶五倒米多過食飯,自帶五固然係傻仔,但自帶五後門應該有人撐腰,目的係要玩殘習近平,甚至呢次稱帝,實際上係邊個搞出嚟嘅行動,我都覺得有唔少黑人問號。添馬男喺蘋果日報專欄問,呢次 天下為公 係唔係同中共內鬥有關,我相信田北俊呢張金牛,同埋呢張金牛俾果陣涉及嘅人物,答咗你嘅問題。

2 thoughts on “田北俊 天下為公 :戰略目標喺邊

發表迴響

你的電子郵件位址並不會被公開。 必要欄位標記為 *