荔枝角收押所-min

荔枝角收押所 乜好多LAN線咩?

因生意失敗,搞到殺咗屋企人嘅韓國商人,今日喺 荔枝角收押所 居然自殺成功。呢個係LAN線自殺案後另一受執法人員看管人員自殺事件。呢單嘢,真係令人懷疑 荔枝角收押所 班阿Sir嘅質素,特別喺究竟呢班大帝係唔係有人濫用私刑。

荔枝角收押所 班阿Sir吞pop定行私刑

去年7月11日, 荔枝角收押所 已經發生一宗疑犯用床單自殺嘅案件,果時自殺果條友係屯門入屋強姦案果個疑犯,照計有呢類事件發生過後,係應該有人加強巡邏監倉,甚至係將個倉嘅設計改革,至少唔好咁容易有人可以成功吊頸,但唔係,依家係一年唔夠又嚟一單,證明懲教班友根本無做過嘢。

香港紀律部隊有個次文化好有問題,就係呢啲都只不過係犯嚟,所以認為監倉唔駛講人權,認為啲犯自己行私刑唔駛理,甚至自己都行埋一份,當然,我認為懲教署係應該要改名,台灣用糾正署其實係比較好。但另一方面,防止受看管人員自殺或被襲,係監獄人員嘅最基本職責,因為當一個人喺法律要求下剝奪人身自由後,果個人嘅安全就變成政府嘅全部責任,就唔可能俾呢啲事一次又一次發生。

所以嚴格嚟講,申訴專員公署係應該介入調查懲教署嘅管理,係唔係出現嚴重問題,果個犯係仆街,係抵死一回事,但唔可以俾果個犯自行了斷,亦唔可以俾果個犯受到法律以外嘅懲處,呢個係最基本最基本嘅要求。

同埋一樣嘢,歐盟雖然係左膠橫行,但有樣嘢,係一啲都唔左,就係監獄唔少係外判,例如英國係將監獄公開外判俾serco一類公司,當然佢地要守番晒歐洲人權公約嘅要求,有啲國家,就將剩餘監倉租俾其他國家,例如荷蘭會接收其他歐盟國家嘅犯人,當然係收錢。如果香港懲教署啲文化係咁亂嚟,如果香港唔係搞到完全無民主問責,我一早提一個好獅子山學會風格嘅右派解決方案,炒咗懲教署班大帝,改為外判管理算,點解要養一班公務員做土皇帝?只不過,香港依家系統崩壞太嚴重,如果搞外判嘅結果好可能仲衰,大家睇房署都有目共睹,所以我都係算。我只能講,香港紀律部隊,真係被保安局嘅惡劣文化搞到衰晒,剩番一堆仆街。

One thought on “荔枝角收押所 乜好多LAN線咩?

  1. 方潤 說:

    你睇美國既監獄外判就知可以有幾衰。

    至於認為人地係犯唔使講人權,倒不只紀律部隊,出面好多人都咁諗。唔係點會港人投訴大陸拘留所要共用牙刷,竟然星島系寫篇社論話犯左法學咩講人權﹖呢種垃圾都有人睇,證明呢種思路有市場。

發表迴響

你的電子郵件位址並不會被公開。 必要欄位標記為 *