金像獎-min

今年 金像獎 唯一好事:痛斥成龍

今年香港電影 金像獎 ,好多片唔係我杯茶,特別今年最佳電影係一部某程度嘅主旋律電影,你當係我嘅政治偏見好了。但今年 金像獎 嘅主題,反而變咗喺圍剿一件叫成龍嘅人渣,先由黃秋生發炮,然後連新晉影帝古天樂都上台煮佢重米,大家都知道今屆金像獎係向一個出賣香港嘅仆街摑完一巴又一巴。

金像獎 反映部分演員仲有血性

成龍雖然已經重新認姓房﹐叫房仕龍(呢個名嘅諧音,真係好符合呢件人渣嘅一啲作為),但佢本名係陳港生,作為一個香港生嘅港人,佢嘅演藝事業亦係因香港而起,如果佢唔係香港拍咁多動作電影,佢邊度攞到美國奧斯卡嘅終身成就獎,叫佢返去早抖喇。但呢條友,就係一生人為名為利,不斷改變效忠對象,英治年代,就喺英女皇前表演扮效忠英國,依家中治年代,就做中國嘅狗兼出賣香港,呢啲賣港賊黃秋生當眾郁佢其實係最恰當,當然,對香港影壇唔少擦鞋仔嚟講,黃秋生嘅批評亦實在太腰心腰肺,所以成班香港演藝界人士笑唔出,唔知點俾反應,正常。古天樂郁成龍果陣至鼓獎,一旦果件姓房嘅仆街大興問罪之師,佢地都可以話佢地係祝賀古天樂攞影帝,房生自己都有祝賀古天樂做影帝喇,係唔係。呢啲亦反映咗,香港娛樂界果種虛偽如戲嘅潛規則,好似黃秋生咁直接嘅,果然係好難生存。

香港電影未死晒,因為仲有啲有血性嘅人,撐住香港文化,唔係好似成龍咁,乾脆喺北京賣港,或者更衰好似王晶咁,佢條友拍落大量爛片,爛片產量驚人,應該搵一隊環保人士上佢office抗議,因為呢條友浪費大量能源。大佬,拍電影用咁多大光燈,用喺王晶嘅爛劇本上面,唔係浪費地球資源,又係乜嘢,大家話係唔係?

我一直都認為,應該送成龍去北韓,當初提議送成龍去北韓果個係我,我相信成龍呢啲人去北韓嘅結果,係最終唔係被人犬決,就係北韓政權崩潰果陣當賊看待,我認為成龍手上果個奧斯卡終身成就獎遲早被人收埋,喺武打片上面,成龍嘅成就,實在同李小龍相差太遠,亦無理由俾終身成就獎俾佢,呢啲卑鄙小人,簡直喺度整臭個獎。送佢去北韓,其實好仁慈,因為呢啲人應該直送黑洞。

發表迴響

你的電子郵件位址並不會被公開。 必要欄位標記為 *