劫機-min

鄭州持刀 劫機 案睇依家嘅中國

如果一啲非洲退聯國家發生持刀 劫機事件,我覺得未必咁出奇,因為啲人嘅工作態度都堅有問題,只不過中國呢種千方百計掌控一切嘅納粹國家竟然有持刀 劫機 案就真係十分之出奇。某程度上,反映當前中國一啲民情。

劫機 案發生嘅民情

納粹國家要控制人民不外乎兩種手段,包括對民生事項嘅各種操控,以及嚴刑峻法恐嚇人民。但要做到民生事務嘅精確操控,唔係靠大數據,而係官僚同法律上執行同設計講求精確,但以中國嘅民族性,呢樣嘢真係哈哈哈,一個差不多先生橫行嘅國家,無搞到當年法西斯管治年代嘅意大利咁退聯就已經係十分之好運氣。

跟住講嚴刑峻法,如果一個社會嘅福利好嘅話,唔好話玩到劫機,好多嘢都唔會敢玩,喺中國呢個劫機好大機會判死刑嘅地方,竟然有人有種揸刀 劫機 ,竟然有乜事發生。 劫機 一宗涉及恐怖活動,因為恐怖活動所追求嘅「崇高」目標,好多時都講唔上係理性行為,例如回教聖戰分子追求嘅死後天堂,果啲係超然於世俗物質嘅嘢,但中國呢個持刀 劫機 疑犯,我睇唔到聖戰分子果種狂熱,以及有計劃行事,雖然佢攞到把刀上飛機已經係好難嘅事,但我相信恐怖分子如果能喺飛機上做世界,斷唔會只係劫持個空姐咁小兒科啩。

當然,依家中國講啲安檢幾嚴密都好,如果民族性不改好多嘢都會充滿漏洞,我並唔認為中共可以做到真正滴水不漏,因為滴水不漏只有一個真正有紀律嘅民族至做得到。而依家中國嘅民情,係唔係去到有人會為生活或其他問題挺而走險,甚至嚟個大攬炒就值得關注,如果堅係大攬炒,睇嚟最得人驚並唔係有明確而實質議題嘅恐怖分子,或聖戰分子,而係一般依家感覺到走投無路嘅百姓,個社會係充滿各類唔知幾時爆,以及喺邊度爆嘅計時炸彈。

所以支爆嘅因素一直都存在,香港有班蠢才,仲問幾時支爆,如果遇到呢啲人,我嘅答案係,叫果條友燒晒一家大細嘅各類外國護照,包括BNO,叫佢賭晒佢全家,因為呢啲質疑支爆嘅友仔,有好多都留低本BNO,甚至已經做緊移民走佬計劃,呢啲cheap人我係最為鄙視,但不幸香港十分之多。

發表迴響

你的電子郵件位址並不會被公開。 必要欄位標記為 *