敘利亞-空襲-min

敘利亞 左膠 賣國賊

英美法聯軍空襲 敘利亞 其實係天大好事,因為化學武器襲平民呢單嘢, 敘利亞 唔只做過一鑊,而係兩鑊,呢啲事,唔出手空襲就等同玩綏靖主義。雖然特朗普嘅算盤都打得好響吓(S400防空系統唔駛賣,根本唔值果個錢,成堆人改買愛國者),但依家左膠只係抗議英美法聯軍空襲 敘利亞 ,對阿薩德嘅化學武器襲擊行為一啲都唔講,呢啲左膠,去到假貨水平,真係唔郁唔得。

左膠喺 敘利亞 問題上私怨行頭

其實 敘利亞 問題好簡單,如果俄羅斯唔想食 敘利亞 呢隻大死貓,好簡單,點出邊班仆街賣化學武器即可,當然我估不外乎中國同北韓兩個人渣兄弟,左膠應該歡迎特朗普真係講得出做得到,救助 敘利亞 平民嘅行為,呢次特朗普行動,其實有人話係背離America First背後嘅孤立主義,佢呢次出兵行動,反而好有當年貝理雅同克林頓兩個大左派,出兵空襲塞爾維亞,阻止塞爾維亞人喺科索沃胡作非為嘅義舉。大家要記住,上世紀九十年代,北約干預兩場空襲塞爾維亞人嘅硬仗,都係解救回教徒,包括波斯尼亞同科索沃(呢個亦係阿爾巴尼亞呢個少數歐洲回教為主嘅國家,極其親美嘅原因)。但啲左膠無讚揚過侵總統,仲有左膠出嚟反戰,我聽完真係英、港、印三國粗口都飛晒出嚟。

講到尾,今日西方同香港啲左膠,根本唔係左翼分子,而係一堆私怨分子,總之英美做乜都錯,俄國係放個屁都香啲,中國更加唔駛講。或者佢地會鬧吓中國兩句,但完全不著邊際果隻,focus喺晒啲維權分子,但完全忘記平民百姓果種。(係囉,結果寫內涵段子被封事件果個係一個港獨派,我睇完都覺得荒謬到一個點)。呢個亦係我咁憎左膠嘅原因,我雖然係右派,但對部分左翼嘅主張或價值,並唔係唔同意。而有必要果陣出兵干預一啲人渣國家,係左右兩邊都行得通嘅講法,左翼論點係大愛,右翼論點係呢個係阻截難民問題嘅唯一有效方法,當無咗人渣國家,咁仲有人硬要入嚟就唔係難民,而係非法移民,件事就係咁簡單。

但左膠最左果款係,為私怨連賣國都得,呢點我係覺得最為難頂而難以接受嘅事。

One thought on “敘利亞 左膠 賣國賊

  1. 所以我都唔明白為何這些左膠不搬上大6住?及不搬去俄羅斯住,等D俄國光頭幫和黑手黨打柒他們!D人很奇怪,說愛國,但又頂不順些大6平民,(當然真是很難頂,但你愛國者嗎?),我不是左仔也在大6住.特別是那些KOL燒山,愛國但是加拿大籍,上面生活水準很差不可以搬上去的.美國更是如是,在美國一個安全的地點說反戰,他們應該住在俄國說反戰嗎!這是西方自由世界的一個問題,個個為自己利益而離心,香港如是,中國如是,所以中共政府要強化思想控制是有原因,否則像美國國民, 國不成國民,各各去外國投資,毫無向心力,你見到中共對國民洗腦洗得勁可見這方式是有效的.對國家而言.

發表迴響

你的電子郵件位址並不會被公開。 必要欄位標記為 *