杜汶澤-min

杜汶澤 講撕裂

杜汶澤 最近喺接受蘋果日報訪問果陣,最令我印象深刻,唔係佢講佢果齣《空手道》,而係講社會撕裂,佢咁講:「我喺fb見到好多人貼導演會好開心啲相,同一班人,我好多人唔想見到,其實社會撕裂無法彌補、無法和解,我唔會選擇要去和解。」

杜汶澤 講嘅,其實同當年愛爾蘭一樣

杜汶澤 講嘅,係佢嘅觀察,亦係有歷史經驗可循,就講愛爾蘭,《英愛條約》簽署無耐,愛爾蘭就陷入反條約派,同條約派嘅內戰,愛爾蘭人憎英國人,但愛爾蘭獨派互相憎恨亦好嚴重,當年Irish Free State嘅政府同反條約派都係濫殺無辜,結果愛爾蘭內戰造成嘅撕裂,一直保持到1999年耶穌受難節協議簽署為止,一個叫愛爾蘭嘅島,撕裂撕到今日都未撕完。

當然會撕成咁,好多時撕裂同其中一方無底線咁做人有關,好似愛爾蘭,國會乜嘢Home Rule方案都否決,跟住政府鎮壓果陣濫用暴力,濫殺無辜,大家都因仇恨走向不擇手段,當不擇手段果陣,自然會製造好多創傷同仇恨,所以你嘅憎恨,係遠超政見甚至同政見無關,變成大家口中嘅「私怨」。會唔會因對方嘅政見放下呢種撕裂,未必會囉,除非係去到馬哈迪或李登輝果種段數,就或者得,但李登輝係最終俾另一班人憎到佢入骨,而馬哈迪係馬來西亞將近瓦解,兼佢自己同佢啲舊政敵講咗好多次對唔住,甚至佢自己揮舞藍眼旗,至可以叫做暫時擺低呢種撕裂,呢個已經係要《君王論》果種大戰略智慧。

當然有啲人嘅投共行為,係大家憎到佢地入骨嘅理由,果種撕裂係無得解,所以一旦香港獨立或歸英,好大機會係嚟一場大清算,亦都係咁解。但你話泛民內部,或成個社會嘅撕裂有無得解,你睇周融果種不擇手段,你睇梁振英果種自私無恥,你認為有得解咩,甚至一有機會,果啲人為咗攞番權力,通敵賣國都做得出,好似依家國民黨就係對民進黨唔甘心,所以至走去通敵賣國,完全無反省過佢地當年二二八大屠殺係殺人殺到幾不擇手段。 杜汶澤 講係大部分人嘅情況,而我睇唔到,喺我有生之年,香港社會可以彌補撕裂,實現和解。呢件事,實在難度太高。

發表迴響

你的電子郵件位址並不會被公開。 必要欄位標記為 *