劉小麗

劉小麗 好想泛民又輸多鑊

劉小麗 被DQ當然係唔公義,但佢始終都係被DQ咗,咁大家要考慮係, 劉小麗 留低果席,點樣最有勝算之下留住,因為泛民一定係大過 劉小麗 個人。只不過, 劉小麗 竟然話唔駛經初選,佢自己再出馬得。當然,以泛民內部對住自己友就講政治倫理,對住人地唔駛講倫理果挺思維,我估都好大機會咁,但我覺得 劉小麗 十分之自私,只係想泛民又輸多鑊,佢想出嚟選,大過晒泛民嘅根本利益。

劉小麗 再選隨時輸到阿媽都唔認得

劉小麗 比起姚松炎,肯定係比較接地一啲,唔會好似姚松炎離地到輸咗後,走去得罪太古城居民。只不過,九龍西依家嘅狀況係,雖然民建聯同經民聯兩班友應該會狗咬狗一嘴毛,但喺統監府強大統戰機器策動下, 劉小麗 再俾左膠主導戰局只會泛民再輸多鑊,同樣情況亦會出現長毛喺新界東,呢個係我一早喺蘋果已經講得好清楚。所以我都係果句, 劉小麗 同長毛唔該比例代表制嘅戰場先出,單議席單票制係必死無疑,浪費子彈。有時候,真係要有華叔果種成功不必在我,成功必然有我嘅政治意志。

當然大家會問, 劉小麗 同梁國雄唔出,咁依家咁短時間搵邊個打,新東其實件事唔複雜,搵張秀賢上去打,當然可以又嚟一劑初選,但我睇張秀賢協助范國威出戰成功嘅結果,大家唔會懷疑由張秀賢出戰嘅實力。至於九西,雖然我認為最佳人選始終係鄺葆賢醫生,因為鄺葆賢實力好明顯係超晒大班,而且亦可以還姚松炎輸鬼咗,某程度上欠本土派、港獨派同親英派嘅政治債務,果啲焦土焦剩一堆人渣嘅仆街,我叫人渣焦土派,亦無機會落手,但我認為民主黨,或民協出件馮檢基以外嘅人,都會比 劉小麗 出戰好睇。 劉小麗 喺全民退保嘅立場,足以令佢被人抽水抽到塘都乾。同埋 劉小麗 嘅地區基礎,喺單議席單票制嘅戰場,係十分之唔著數,我諗呢啲常識,唔駛我教啩。

到今日,我都睇唔到 劉小麗 喺今年出戰九西嘅戰略合理性,既然 劉小麗 要慳子彈,不如等到下屆至再打都未遲,與其依家放風話邊個Plan B,不如依家就直接由Plan B出戰好過,新東情況類似。如果堅持 劉小麗 同梁國雄出戰,連初選都無,好難叫我繼續清理人渣焦土派班垃圾。唔好俾果班人渣有位入賺維穩費,呢一點係最重要。

發表迴響

你的電子郵件位址並不會被公開。 必要欄位標記為 *