北區醫院-min

北區醫院 屍體腦都無埋?有無搞錯

醫管局啲新聞,真係一單黐線過一單, 北區醫院 竟然可以玩到條屍個腦唔見咗,如果我唔係德文太削,我真係想譯成德文,我相信呢單膠聞絕對會喺歐洲瘋傳,朋友, 北區醫院 講緊條屍個腦唔見咗,邊個入標本室偷人個腦咁黐線至得。唔通有啜食人腦嘅喪屍入咗標本室,食咗個腦落肚咩。呢單嘢,真係去到你以為呢單係fake news嘅程度。

北區醫院 嘅保安去到無皇管水平

其實,任何屍體嘅器官,都唔應該咁樣不翼而飛,如果呢單嘢個腦最後出現喺堆填區,咁件事係對先人不敬,我相信家屬都幾難放過 北區醫院 呢班友,而如果個腦被人偷咗,或者出現喺其他地方,雖然個腦只有退化問題,但始終係人體器官,你唔知仲有無其他細菌或傳染問題,咁樣都係公眾難以接受。

大家睇膠事都睇唔少,通常呢啲事會係乜情況發生嘅呢,其實呢啲匪夷所思嘅事,通常出現喺一啲文化混亂嘅國家,例如膠事多到永遠數唔清嘅比利時,或者一啲根本係印度果個級別嘅fail state至出現,果啲可以倒後行火車十一公里至停,女人隨時被強姦嘅黐線國家。係家醫管局連錯三鋪,仲要 北區醫院呢鋪去到極品水平,唔可能發生嘅荒謬事情都發生埋,呢個其實係警號,香港隨時變成一類比利時一類退聯國家,甚至係更差嘅情況,變咗第三世界國家,菲律賓果隻你都死得人多。

所以我唔明果啲無恥嘅賣港賊或者港豬,點解認為呢樣嘢係無問題,依家成個香港嘅管理水平係十分之有問題,我個人唔介意慢,但唔該唔好咁黐線,日日睇埋啲新聞,唔係青山走犯,就係個腦被人攞咗,平日果啲天方夜譚級別嘅爛gag現實發生晒,大佬呢啲嘢乜可以接受㗎,唔係嘛。定係有啲人自私到,只要自己搵到錢得,之後嘅事情關人X事,呢種情況就十分之唔可以接受,呢啲港賊就真係人人喊打。

北區醫院 呢單怪事,其實傳媒記者有責任追落去,因為成件事實在太黐線,挑戰周星馳電影,依家大家明點解周星馳啲戲大家覺得唔好笑,除咗因為佢老咗,更因為香港現實比電影更荒唐,醫管局啲醫院係唔係日日用法國荒謬片方式運作?

發表迴響

你的電子郵件位址並不會被公開。 必要欄位標記為 *