醫管局-私隱-min

醫管局 就嚟變成fail authority

尋日青山走犯單嘢已經好膠,但 醫管局 似乎一膠還比一膠硬,乜嘢爛gag都可以攞去實現,呢次係唔記得帶個腦,不過唔係人腦,而係有病人私隱嘅文件,留低喺的士依家未搵番,呢鋪真係堅大件事,因為無人知果啲資料最後會俾邊個人攞咗,大家都知,如果你唔記得的士車牌,基本上你啲資料都凍過水。

醫管局 人手唔夠變fail authority

其實果位帶資料返屋企做嘢嘅員工係好人嚟,佢只不過想令病人資料編得有系統一啲,攞番屋企做,本意良好,但問題係,呢啲病人個人資料,根本唔應該喺醫院以外任何地方出現,如果唔係 醫管局 長期肥上瘦下,人手唔夠,邊叉個想將啲資料帶返屋企處理,大佬, 醫管局 係一個公家機構,做得十分好唔會因此而升職或加人工快啲,同私人機構果種文化係唔同。

其實實際問題係, 醫管局 因為人手請唔夠,特別前線人手,啲人工攞晒去益啲高層,而大量中國人湧入嚟用香港醫療服務,私家醫生都係強國人天下,大批市民回流公營醫療服務,但又無咁多人手,啲人咪要諗計喺deadline前搞掂啲嘢,又要處理到咁多文件,所以至有呢單帶文件返屋企,結果留咗喺屋企咁大劑嘅事件。果位係難免需要處分,但 醫管局 依家持續現有嘅管理,遲早變fail authority,除咗漏個人資料,更多古靈精怪嘅事都會出嚟,青山走犯、醫療失誤,你諗得出都會有,屆時真係香港人睇個醫生都要望天打卦,唔知點算好。

我相信一定有人搏懵話要搞醫療改革,又乜嘢錢跟病人走,乜乜乜,依家我只要 醫管局 做好一件事,請番夠前線人手直至啲人唔駛帶嘢返屋企做為止,呢個係最基本,至於香港醫療融資點安排,講真,與其搞乜叉強迫金,益果班所謂芬佬,點解唔係改為類似National Insurance嘅制度,將香港市民嘅強積金供款撥入醫療果度,基本上,有嘢做,有contribution,就可以享受香港公立醫療服務,有需要人士,由稅收負責,而一啲無喺香港納稅嘅人,例如中國留學生,唔該佢地俾咗contribution至可以享受低價醫療。而中國嘅medical tourism就唔該cut咗佢,咁樣至唔會再有怪事發生。

發表迴響

你的電子郵件位址並不會被公開。 必要欄位標記為 *