Trump-TPP-min

Trump 玩番 TPP :支爆再快啲

當年中國成班蠢材支持Trump做總統其中一個好大原因係,Trump講明會隊冧 TPP ,而 TPP 可以係講中國頭號心腹大患嚟,否則唔會講乜嘢一帶一路。但依家情勢大變,Trump突然有意玩番 TPP ,呢個係好重要嘅戰略部署,即係 Trump 將會全方位封鎖中國,呢可以講係2018年最大嘅戰略轉折,絕對唔講得笑。

TPP 令支爆再快啲

特朗普宣布唔玩 TPP ,啲人以為佢玩番美國果套孤立主義,所以新加坡繼續辛苦經營 TPP ,中國都話可能玩埋一份,因為無美國呢個大佬喺度。但依家 Trump 終於意識到,如果要玩印太地區嘅策略, TPP 係必須繼續存在,所以特朗普將中國鎖定係重要敵人果陣,就話研究將 TPP 復活,如果特朗普令美國再加入 TPP , TPP 好快就成為遠東版嘅北約或歐盟之類嘅物體,屆時喺經濟、戰略等方面全方位包圍中國就水到渠成,屆時中國仲講乜嘢一帶一路喎,屆時有乜事,美國主力投資 TPP 各國,中國就無晒出口,亦無晒原料,中國咁多人自己玩西北風喇。

好多人以為 Trump 主力抗俄,其實俄國係比中國好應付,俄國始終係講戰略嘅國家,其實講嚟講去,普京都係想搞風搞雨,令西方承認克里米亞嘅地位,大家由奧地利中立化呢件事都知道,現代蘇聯同俄國打到幾擦槍走火都好,玩到古巴飛彈危機咁X大鑊,去到一個位,有一定戰略甜頭就會縮,蘇聯可以比納粹德國同日本維持長久,除咗豐富資源,仲有一樣嘢係,俄國係識收手,但德、日兩國當年係唔知叫收手呢樣嘢。用敘利亞換克里米亞,呢個價錢佢應該係可以接受(當然日後烏克蘭實阻住俄國,就唔駛講)。但中國唔係一個識收手嘅戰略國家,所以真係嘅衝突重點,唔會係俄國,而會係中國,甚至一旦有 TPP 嘅話,俄國睇中時機玩埋都唔奇,反正俄國嘅遠東戰略最叻係抽水。

Trump話玩番 TPP 同日本有大量稀土一樣,都係好有戰略啟迪意義嘅事,實情係時間已經唔喺中國呢一邊,中國呢班友唔識乜嘢叫廣結善緣,被世界各國圍毆根本係自己攞嚟,唔可以怪任何人。

發表迴響

你的電子郵件位址並不會被公開。 必要欄位標記為 *