中國局勢比想像要糟

當西方不少國家,甚至部分香港膠人,以為中國是這次金融海嘯救星時,我想他們大錯特錯了。搞得不好,下一個大雪球就是來自中國,誰都不可倖免。

且看近五日以來,中國發生過的暴亂事件:
10月20日:江蘇省宿遷市宿豫中學,一名初中學生不甘受體罰自殺,引發大型騷亂,過萬人推倒防暴警察車輛。
10月22日:廣東省汕尾陸豐東海鎮,發展商拆遷搵黑社會打死人,10月23日東海鎮大批居民抬屍請願。
10月23日:江西省銅陵有農民被指偷木材,被木材商打死,10月24日演變成大型騷亂,警車被推倒,木材商辦公大樓被搶掠一空。

以上事件都有幾個共同特色:
1. 都是因有人死而引發,總之如果有衝突搞出人命,當地政府注定要大鑊。
2. 現在的人膽子大很多,全部有理無理,公安車輛人員照打可也,換言之,一旦爆發騷亂會很快失控。
3. 全部至少過千人參與,過萬人都不奇怪。
4. 因事態嚴重,大部分要其他縣市調派武警或公安增援。

年底應該有大批惡性欠薪事件,如果地方政府賠唔切錢,只要一個地區密集爆發幾宗暴亂事件,共產黨就疲於奔命,再密集一些就很難控制,不知發生什麼事。中國的網絡封鎖已經封得很實,但消息要漏出來終歸會漏出來的。

香港人還在硬膠不知發生什麼事時,看看中國吧,隨時突然來個大浪都不知怎算。

9 thoughts on “中國局勢比想像要糟

  1. 暴亂應該係滯後數據,現在中國的問題唔係暴亂,而係保零(唔係保八,唔好發夢保八,中國過去經濟增長根本就只有七個巴仙,而且純粹係熱錢帶動)。

    外面環境出左好大問題,就係外幣價格大波動,如果唔係全球干預,這個大波動有好幾個月唔會停。問題唔係中信勁賠,一兩百億中國玩得起,而係外幣價格與資格價格大波動會導致全球交易成本大增(外匯風險),一下了工廠集體倒閉,航運業萎縮,去到最後才是暴亂。

    今次金融海嘯,死得最快係新興市場。

  2. To: martinoei

    唔知你的身體好d未? 我想話其實我識一d南洋華人, 佢地好多都話唔信中國同共產黨, 加上有d香港人只要有人係facebook話親英或者講中國唔好, 就會比人攻擊, 話做中國人最自豪, 英國佬點解要理你, 佢唔當你係英國人架, 你傻架….我剛才被人黎個”炮轟”過, 有d心痛點解做中國人係痛苦. 另外, 之前你都話攞特區護照會隨時中招, 我雖然係泰國重可以當住泰國人面前話我係香港人, 不過我相信唔會維持好耐, 我開始覺得BNO係比較安全. 如果有日, 英國宣佈歸還居英權比三百多萬英籍香港人, 唔知班未瞓醒既香港人會點呢? 我相信有機會會出現分化.

    以上係小弟自己既立場

  3. 在這個星期, 我在大陸報紙及討論區看到兩則”騎呢”新聞:
    1. 溫州鹿城區委書記楊湘洪法國考察稱病不歸, 據南方都市報報導, 一位不愿意透露姓名的企業家向記者證實,楊湘洪帶考察團到巴黎考察兩天後,以探望其在法國已經成家的女兒為由,獨自離隊。等考察團要回國時,相關人員打電話給楊湘洪,他以腰椎間槃突出老毛病復發、已經在法國住院治療,無法坐長途飛機為由,拒絕回國。

    傳言的另一個版本是,在考察團回國前打電話聯系楊湘洪后,楊通過其女婿向考察團領導遞交了一份要求轉交給溫州市委的辭職報告,要求辭去溫州市委常委、鹿城區委書記的職務,理由是腰椎間槃突出復發的身體原因和區委工作壓力過大,自身無法承受。

    2. 上海市盧灣區副區長忻偉明日前隨團在法國巴黎考察時懷疑“失蹤”,目前上海有關方面已着手深入調查此事。據悉,在巴黎下榻的賓館,考察團其他成員早餐時久等忻偉明未見其身影,后請服務員打開忻的房間才發現其已拿著行李離開,留下紙條稱將在法國會友。但直至考察團踏上返滬航班,亦未有忻偉明的任何訊息。

    不知道這些資料是否是一個信號, 說明大陸出現/將出現什麼亂子, 或自己可能貪了很多, 現在時勢不好, 中央追究下來, 肯定死路一條, 故要走人為上。

  4. 我覺得中國會在全世界人真的寄望佢出來拯救世界的最重要的那一刻fail 今年年尾. 下年年頭可以睇到…..

    問題其實係中國習慣層層保密 揣度上意. 全象根本就無人得知
    幾多間公司幾多銀行中咗招. 幾多資本係假野. 根本就冇人知.

  5. To Oliver:

    我覺得其實大陸人分分鐘仲無香港果班被洗腦嘅”愛國”偽中國人咁愛國,甚至連顛倒是非黑白邏輯去為中共國辯護嘅都大有人在…

    所以我覺得離開香港遠走高飛先係上策^^。

  6. Oliver兄, 而家泛民同土共支持者0既分化已甚明顯, 如果仲要BNO -> BC成功, 班泛民0既支持者有埋後台, 後果真係不堪設想…

  7. 彭定康2007年話, 中國不是西方威脅, 除非中國國內出現問題.

    今次共產黨大難當頭!

    (請大家拍手)

  8. 如果根據Taron and mileycyrus1992既意思, 香港已經不能容下一d親西方既香港人, 禁同文革式批鬥有咩分別!!!

發表迴響

你的電子郵件位址並不會被公開。 必要欄位標記為 *