杜特爾特-min

杜特爾特 嘅道歉你會信嗎?

杜特爾特 訪港期間,代表菲律賓政府向香港嘅中國人,就菲律賓人質事件道歉。其實佢只係向香港嘅中國人道歉,呢句嘢已經我可以話唔收貨,在場有英籍人士死亡或受傷,點解唔向香港嘅英國人一併道歉,擺明照中國俾佢嘅稿嚟讀。只不過, 杜特爾特 呢條友係唔係真心道歉,我都極有保留。甚至某程度上,佢比果個寸寸貢嘅華裔總統阿基諾三世仲不如。

杜特爾特 比阿基諾三世無恥

阿基諾三世係無恥,只不過,佢都知道,佢有責任維護菲律賓嘅國家尊嚴,我可以咁講,阿基諾三世係典型嘅西班牙式硬膠,明知自己錯到極都唔會道歉,死撐到底,呢個亦係菲律賓上層社會,不論華裔定混血定土生土長果啲,都有嘅問題,西班牙呢啲劣質文化喺菲律賓影響好深,相反美國文化查實唔多植到根。植到根,就唔會戰後菲律賓由亞洲數一數二嘅國家,管到變垃圾國家,馬可斯條友仆街,都要成個國家嘅文化有問題至會搞到咁一鑊泡,甚至民主英雄科拉桑夫人嘅仔,都搞到呢副死樣。

阿基諾三世,係某程度上真小人同偽君子嘅混合物,但 杜特爾特 係乜,百分百嘅真小人,佢接受當地最大電視台ABS-CBN訪問係咁講(好多菲傭都有睇ABS-CBN)

If you do not have money, you are not my friend. I go to China thinking of money because in truth, I need money

簡單嚟講,你無錢唔係我朋友,我去中國係做契弟,因為我要錢。依家我唔知習近平俾咗幾多現金過佢老人家,所以可以突然低聲下氣,但如果中國唔找數,或者啲錢唔應付到 杜特爾特 嘅胃口,呢條友可以一夜收番佢講過啲嘢,你覺得一個真小人到,身為總統喺電視台認自己係契弟嘅友仔,佢講嘅任何嘢你可以信?所以佢講話向香港嘅中國人道歉果陣,我就知佢根本唔係誠心道歉,簡單嚟講就係用錢換道歉,我唔知中國啲民族主義分子,點睇呢挺用錢買道歉嘅行為,係覺得好威水,定係根本係二次侮辱,呢個可以大家諗吓嘅。

呢啲古惑仔,你信佢一成都死,如果有啲五毛仲覺得好英,最好叫佢睇一睇ABS-CBN嘅訪問,只不過,我覺得 杜特爾特 嘅流氓作風,同中國簡直係臭味相投。依家中國喺南洋買果啲人,都唔買華人,直接買土著,因為土著有啲可以為錢一啲廉恥都唔講,但華裔果啲,除咗領教過中國有幾仆街,畢竟古風猶存,多少講尊嚴,身為國家領導人為錢認契弟,華人一定做唔出。但納吉同 杜特爾特 ,沒有最無恥,只有更無恥。

One thought on “杜特爾特 嘅道歉你會信嗎?

  1. 對於強國人民,人地為錢黎擦鞋梗係好威水。

    至於話信唔信,一個認為捉毒販可以「毋須審訊即場處決」既人,會覺得菲律賓警察做錯事﹖畀佢話事,隨時為左打死門多薩將成車香港人一齊打死埋添啦。根本係「你地冇做錯」既friend黎。

發表迴響

你的電子郵件位址並不會被公開。 必要欄位標記為 *